ಫಿಕ್ಸಿಂಗ್‌: ತನಿಖೆಗೆ ಆದೇಶ

ಕೊಲಂಬೊ: ಭಾರತ-ಶ್ರೀಲಂಕಾ ನಡುವಿನ 2011ರ ವಿಶ್ವಕಪ್‌ ಫೈನಲ್‌ ಪಂದ್ಯ ಫಿಕ್ಸ್‌ ಆಗಿತ್ತು ಎಂಬ ಲಂಕೆಯ ಮಾಜಿ ಕ್ರೀಡಾ ಸಚಿವ ಮಹಿಂದಾನಂದ ಅಲುತಗಾಮಗೆ ಹೇಳಿಕೆ ನೀಡಿದ ಒಂದೇ ದಿನದಲ್ಲಿ ಶ್ರೀಲಂಕಾ ಸರಕಾರ ಇದರ ತನಿಖೆಗೆ ಆದೇಶಿಸಿದೆ.

ಲಂಕೆಯ ಹಾಲಿ ಕ್ರೀಡಾ ಸಚಿವ ದುಲ್ಲಾಸ್‌ ಅಲಹಪೆರುಮ ಅವರೀಗ ಪ್ರಕರಣ ಕುರಿತು ತನಿಖೆಗೆ ಆದೇಶಿಸಿದ್ದಾರೆ. ಎರಡು ವಾರಗಳಲ್ಲಿ ವರದಿ ಒಪ್ಪಿಸಲು ತನಿಖಾ ತಂಡಕ್ಕೆ ಸೂಚಿಸಿದ್ದಾರೆ.

ಹೊರಗಿನ ಕೆಲವು “ನಿರ್ದಿಷ್ಟ ತಂಡ’ಗಳು ಈ ಪಂದ್ಯವನ್ನು ಫಿಕ್ಸ್‌ ಮಾಡಿರುವ ಸಾಧ್ಯತೆ ಇದೆ, ಲಂಕಾ ತಂಡ ಈ ಪಂದ್ಯವನ್ನು ಭಾರತಕ್ಕೆ ಬಿಟ್ಟುಕೊಟ್ಟಿದೆ ಎಂದು ಮಹಿಂದಾನಂದ ಆರೋಪಿಸಿದ್ದರು.