ಭೀಕರ ಅಪಘಾತ: ಆಳವಾದ ಕಮರಿಗೆ ಬಿದ್ದ ಕಾರು; 5 ಮಂದಿ ದುರ್ಮರಣ

ಜಮ್ಮು: ಜಮ್ಮು-ಕಾಶ್ಮೀರದ ಸಾಂಬಾ ಜಿಲ್ಲೆಯಲ್ಲಿ ಭೀಕರ ರಸ್ತೆ ಅಪಘಾತ ಸಂಭವಿಸಿದೆ. ಕಾರೊಂದು ನಿಯಂತ್ರಣ ತಪ್ಪಿ ಅಳವಾದ ಕಮರಿಗೆ ಉರುಳಿ ಬಿದ್ದ ಪರಿಣಾಮ ಐವರು ಸ್ಥಳದಲ್ಲೇ ಮೃತಪಟ್ಟಿದ್ದು, ಮತ್ತೊಬ್ಬರು ಗಾಯಗೊಂಡ ಘಟನೆ ಶನಿವಾರ (ಮಾ.05)ರಂದು ಸಂಭವಿಸಿದೆ.

ಮೃತರನ್ನು ಗುಲ್ಜಾರ್‌ ಅಹ್ಮದ್‌ ಭಟ್‌(71),ಝೈನಾ ಬೇಗಂ(65) ಇಕ್ಬಾಲ್‌ ಅಹ್ಮದ್‌ ಭಟ್‌(25) ಮಸರತ್‌ಜಾನ್‌(21) ಎಂದು ಗುರುತಿಸಲಾಗಿದೆ. ಕಾರಿನ ಚಾಲಕನನ್ನು ಅನಂತನಾಗ್‌ ನಿವಾಸಿ ಸಾಕಿಬ್‌ ಎಂದು ಗುರುತಿಸಲಾಗಿದೆ.

ಗಾಯಗೊಂಡವರನ್ನು ಸಮೀಪದ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡುತ್ತಿದ್ದಾರೆ.

ಘಟನೆ ವಿವರ:
ಕಾರಿನಲ್ಲಿ ಆರು ಮಂದಿ ಪ್ರಯಾಣಿಸುತ್ತಿದ್ದರು. ಪಂಜಾಬ್‌ನಿಂದ ಶ್ರೀನಗರಕ್ಕೆ ತೆರಳುತ್ತಿದ್ದಾಗ ಮನ್ಸಾರ್‌ಸಮೀಪದ ಜಮೋದಾ ನಗರದ ಬಳಿ ಚಾಲಕನ ನಿಯಂತ್ರಣ ತಪ್ಪಿ ಆಳವಾದ ಕಮರಿಗೆ ಉರುಳಿದ ಪರಿಣಾಮ ಈ ಅಪಘಾತ ಸಂಭವಿಸಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.