ಕೋವಿಡ್ 19 ಮಹಾಮಾರಿ ಕ್ಲೀನ್‌ಸಿಟಿಯನ್ನೂ ಬಿಟ್ಟಿಲ್ಲ

ಇಂದೋರ್‌: ದೇಶದ ಅತ್ಯಂತ ಕ್ಲೀನ್‌ ಸಿಟಿ, ಮಧ್ಯಪ್ರದೇಶದ ವಾಣಿಜ್ಯ ನಗರಿ ಖ್ಯಾತಿಯ ಇಂದೋರ್‌, ಕೊರೊನಾದ ಬಲೆಯಲ್ಲಿ ಸಿಲುಕಿ ನಲುಗುತ್ತಿದೆ. ಕಳೆದ ನಾಲ್ಕು ದಿನಗಳಿಂದ ಇಲ್ಲಿ 19 ಪಾಸಿಟಿವ್‌ ಪ್ರಕರಣಗಳು ಬೆಳಕಿಗೆ ಬಂದಿವೆ.

19ರಲ್ಲಿ 16 ಪ್ರಕರಣಗಳು ಇಂದೋರ್‌ನಿಂದ ವರದಿಯಾದರೆ, ಮಿಕ್ಕ 3 ಪ್ರಕರಣಗಳು ಪಕ್ಕದ ಉಜ್ಜೈನಿಯಲ್ಲಿ ದಾಖಲಾಗಿತ್ತು. ಈಗ ಉಜ್ಜೈನಿಯ ರಬಿಯಾ ಬಿ ಮತ್ತು ಅಬ್ದುಲ್‌ ಹಮೀದ್‌ ಎನ್ನುವ 65 ವರ್ಷ ದಾಟಿದ ವೃದ್ಧರು ಕೊರೊನಾಗೆ ಬಲಿಯಾಗಿದ್ದಾರೆ. ಉಜ್ಜೈನಿಯ ವೃದ್ಧೆ ಇತ್ತೀಚೆಗಷ್ಟೇ ದುಬೈನಿಂದ ವಾಪಸಾಗಿದ್ದರು.

ದಾಖಲಾದ 19 ಪ್ರಕರಣಗಳಲ್ಲಿ ಇಬ್ಬರನ್ನು ಬಿಟ್ಟರೆ, ಮಿಕ್ಕವರಿಗೆ ವಿದೇಶದಿಂದ ಮರಳಿದವರ ಸಂಪರ್ಕ ಇಲ್ಲದೆ ಇರುವುದು ಇನ್ನೊಂದು ಆತಂಕಕಾರಿ ಸಂಗತಿ.