ಕುತೂಹಲ ತಂದ ಮಾನವನ ಮುಖದಂತೆ ಇರುವ ಮೀನಿನ ವೀಡಿಯೋ

ಹೊಸದಿಲ್ಲಿ: ಮಾನವನ ಮುಖದಂತೆ ಇರುವ ಮೀನಿನ 14 ಸೆಕೆಂಡ್‌ಗಳ ವೀಡಿಯೋ ಈಗ ಚೀನ ಸಹಿತ ವಿಶ್ವದ ಹಲವು ರಾಷ್ಟ್ರಗಳಲ್ಲಿ ಕುತೂಹಲಕ್ಕೆ ಕಾರಣವಾಗಿದೆ. ಚೀನದ ಮಿಯಾವೋ ಗ್ರಾಮಕ್ಕೆ ಭೇಟಿ ನೀಡಿದ್ದ ಮಹಿಳೆಯೋರ್ವರು ಸಮೀಪ ತೊರೆಯಲ್ಲಿ ಈಜಾಡುತ್ತಿದ್ದ ಮೀನನ್ನು ಕುತೂಹಲದಿಂದ ಗಮನಿಸಿದಾಗ ಮಾನವನ ಮುಖ ಹೋಲುವ ಮೀನು ಕಂಡುಬಂದಿತು.

ಅದನ್ನು ಅವರು, ವೀಡಿಯೋ ಮಾಡಿ ಸಾಮಾಜಿಕ ಜಾಲತಾಣಗಳಿಗೆ ಅಪ್‌ಲೋಡ್‌ ಮಾಡಿದ್ದಾರೆ. ಕೆಲವೇ ಕ್ಷಣಗಳಲ್ಲಿ ಅದು ವಿಶ್ವಾದ್ಯಂತ ವೈರಲ್‌ ಆಗಿದೆ. ಇದೊಂದು ಭಯ ಹುಟ್ಟಿಸುವ ವೀಡಿಯೋ ಎಂದು ಹಲವರು ಬರೆದುಕೊಂಡರೆ, ಇನ್ನಿತರರು ಅದ್ಭುತ ಎಂದು ಬಣ್ಣಿಸಿದ್ದಾರೆ.