ಆಫ್ರಿಕಾ ಮೂಲದ ಬಾಲಕಿ ಸ್ಪೆಲ್ಲಿಂಗ್‌ ಬೀ ವಿಜೇತೆ :ಭಾರತೀಯ-ಅಮೆರಿಕನ್ನರ ಕೈತಪ್ಪಿದ 1ನೇ ಸ್ಥಾನ

ವಾಷಿಂಗ್ಟನ್‌: ಪ್ರಸಕ್ತ ವರ್ಷದ ಸ್ಕ್ರಿಪ್ಸ್‌ ನ್ಯಾಷನಲ್‌ ಸ್ಪೆಲ್ಲಿಂಗ್‌ ಬೀ ಸ್ಪರ್ಧೆಯಲ್ಲಿ ಆಫ್ರಿಕನ್‌-ಅಮೆರಿಕನ್‌ ಬಾಲಕಿ 14 ವರ್ಷದ ಝೈಲಾ ಅವಂತ್‌ ಗಾರ್ಡೆ ಮೊದಲ ಸ್ಥಾನ ಗಳಿಸಿದ್ದಾರೆ.

ಈ ಮೂಲಕ ಈ ಪ್ರತಿಷ್ಠಿತ ಸ್ಪರ್ಧೆಯಲ್ಲಿ ಗೆದ್ದ ಮೊದಲ ಆಫ್ರಿಕನ್‌-ಅಮೆರಿಕನ್‌ ಎಂಬ ಹೆಗ್ಗಳಿಕೆಗೂ ಝೈಲಾ ಪಾತ್ರರಾಗಿದ್ದಾರೆ.

ಹಲವು ವರ್ಷಗಳಿಂದಲೂ ಸ್ಪೆಲ್ಲಿಂಗ್‌ ಬೀಯಲ್ಲಿ ಭಾರತೀಯ-ಅಮೆರಿಕನ್ನರೇ ಮೇಲುಗೈ ಸಾಧಿಸುತ್ತಿದ್ದರು. ಆದರೆ, ಈ ಬಾರಿ ಭಾರತೀಯ-ಅಮೆರಿಕನ್‌ ವಿದ್ಯಾರ್ಥಿಗಳಾದ ಚೈತ್ರಾ ತುಮ್ಮಲ(12) ಮತ್ತು ಭಾವನಾ ಮೇದಿನಿ(13) ಕ್ರಮವಾಗಿ ದ್ವಿತೀಯ ಮತ್ತು ತೃತೀಯ ಸ್ಥಾನ ಗಳಿಸಿದ್ದಾರೆ.

ಇದನ್ನೂ ಓದಿ :ಬಿ ಎಸ್ ಎನ್ ಎಲ್ ನೀಡುತ್ತಿದೆ ಗ್ರಾಹಕ ಸ್ನೇಹಿ ಪ್ರೀ ಪೇಯ್ಡ್ ಪ್ಲ್ಯಾನ್ ಗಳು:ಮಾಹಿತಿ ಇಲ್ಲಿವೆ

ಅತ್ಯಂತ ರೋಚಕವಾಗಿ ನಡೆದ ಸ್ಪರ್ಧೆಯಲ್ಲಿ ಅಮೆರಿಕದ ಪ್ರಥಮ ಮಹಿಳೆ ಜಿಲ್‌ ಬೈಡೆನ್‌ ಕೂಡ ಭಾಗವಹಿಸಿದ್ದರು.