ಸಲ್ಮಾನ್‌ ಮನೆ ಹೊರಗೆ ಗುಂಡಿನ ದಾಳಿ: ರಾಜಸ್ಥಾನದ ವ್ಯಕ್ತಿ ಸೆರೆ

ಮುಂಬಯಿ: ಬಾಲಿವುಡ್‌ ನಟ ಸಲ್ಮಾನ್‌ ಖಾನ್‌ ಮನೆ ಹೊರಗೆ ಗುಂಡು ಹಾರಿಸಿದ್ದ ಘಟನೆ ಕುರಿತು ಮುಂಬಯಿ ಪೊಲೀಸರು ಹೊಸ ಪ್ರಕರಣ ದಾಖಲಿಸಿದ್ದಾರೆ. ಈ ಸಂಬಂಧ ರಾಜಸ್ಥಾನದ 25 ವರ್ಷದ ವ್ಯಕ್ತಿಯೊಬ್ಬನನ್ನು ಬಂಧಿಸಲಾಗಿದೆ. ಆತನನ್ನು ಬನ್ವರಿಲಾಲ್‌ ಲಾತೂರ್‌ಲಾಲ್‌ ಗುರ್ಜರ್‌ ಎಂದು ಗುರುತಿಸ ಲಾಗಿದೆ. ಮುಂಬಯಿಗೆ ಕರೆತಂದು ಕೋರ್ಟ್‌ ಮುಂದೆ ಹಾಜರುಪಡಿಸ ಲಾಗಿದೆ ಎಂದು ಮುಂಬಯಿ ಕ್ರೈಮ್‌ ಬ್ರ್ಯಾಂಚ್‌ ಅಧಿಕಾರಿಗಳು ತಿಳಿಸಿದ್ದಾರೆ. ಯುಟ್ಯೂಬ್‌ನಲ್ಲಿ ವೀಡಿಯೋ ಅಪ್‌ಲೋಡ್‌ ಮಾಡಿದ್ದ ಗುರ್ಜರ್‌, ಲಾರೆನ್ಸ್‌ ಬಿಷ್ಣೋಯಿ, ಗೋಲ್ಡಿ ಬ್ರಾರ್‌ ಮತ್ತು ಗ್ಯಾಂಗ್‌ನ ಇತರರು ನನ್ನೊಂದಿ ಗಿದ್ದಾರೆ. ಇನ್ನೂ ಕ್ಷಮೆ ಕೋರದ ಸಲ್ಮಾನ್‌ ಖಾನ್‌ನನ್ನು ನಾನು ಕೊಲೆ ಮಾಡುವೆ ಎಂದು ಬೆದರಿಕೆ ಹಾಕಿದ್ದ.