ಜಮೀನಿಗೆ ಬೆಂಕಿ: ಅಪಾರ ನಷ್ಟ

ತರೀಕೆರೆ: ಜಮೀನೊಂದಕ್ಕೆ ಆಕಸ್ಮಿಕ ಬೆಂಕಿ ತಗುಲಿ ಬೆಳೆ ಮತ್ತು ಕೃಷಿ ಪರಿಕರ ವಸ್ತುಗಳು ಸುಟ್ಟು ಭಸ್ಮವಾದ ಘಟನೆ ಅರಸೀಕೆರೆ ಗ್ರಾಮದ ಬಳಿ ಗುರುವಾರ ಮಧ್ಯಾಹ್ನ 1:30ರ ಸುಮಾರಿಗೆ ನಡೆದಿದೆ.

ಗ್ರಾಮದ ಜಯಣ್ಣ ಎಂಬವವರಿಗೆ ಸೇರಿದ ಜಮೀನಿನಲ್ಲಿ ಬೆಂಕಿ ತಗುಲಿ ಅಡಿಕೆ ಗಿಡಗಳು, ಸೋಲಾರ್‌ ಪರಿಕರಗಳು, ಪಿವಿಸಿ ಪೈಪ್‌ಗ್ಳು, ಜಾನುವಾರುಗಳ ಕೊಟ್ಟಿಗೆ ಮತ್ತು ಕೇಬಲ್‌ಗ‌ಳು ನಾಶವಾಗಿವೆ. ಬೆಂಕಿ ಪಕ್ಕದ ರೈತ ದಾಸಾನಾಯ್ಕ ಎಂಬುವವರ ಜಮೀನಿಗೂ ಹಬ್ಬಿದ್ದು, 4 ಎಕರೆ ಜಮೀನಿನಲ್ಲಿ ಬೆಳೆದಿದ್ದ ಸಿಲ್ವರ್‌ ಮತ್ತು ಹೆಬ್ಬೇವು ಗಿಡಗಳೂ ಸಹ ಸಂಪೂರ್ಣ ಸುಟ್ಟು ಹೋಗಿದೆ. ಸ್ಥಳಕ್ಕೆ ಅಗ್ನಿ ಶಾಮಕ ಸಿಬ್ಬಂದಿ ಧಾವಿಸಿ ಬೆಂಕಿ ನಂದಿಸಿದರು.