ಬಿಡದಿ ಫಿಲಂ ಸಿಟಿಯಲ್ಲಿ ಬೆಂಕಿ ಅನಾಹುತ; ಜೀವ ಹಾನಿ ಇಲ್ಲ

ಬೆಂಗಳೂರು : ರಾಮನಗರ ಜಿಲ್ಲೆಯ ಬಿಡದಿಯಲ್ಲಿರುವ ಇನ್ನೋವೇಟàವ್‌ ಫಿಲಂ ಸಿಟಿಯಲ್ಲಿ ಇಂದು ಗುರುವಾರ ನಸುಕಿನ ವೇಳೆ ಭಾರೀ ಅಗ್ನಿ ಅನಾಹುತ ಸಂಭವಿಸಿತು. ಆದರೆ ಯಾವುದೇ ಜೀವಹಾನಿ ಆದ ವರದಿಗಳಿಲ್ಲ.

ನಸುಕಿನ ಸುಮಾರು 3 ಗಂಟೆಯ ವೇಳೆಗೆ ಭಾರೀ ದೊಡ್ಡ ಬೆಂಕಿ ಕಾಣಿಸಿಕೊಂಡಿತು. ಪರಿಣಾಮವಾಗಿ ಫಿಲಂ ಸಿಟಿಯ ಮ್ಯೂಸಿಯಂ ಬೆಂಕಿಯಲ್ಲಿ ಸುಟ್ಟು ಭಸ್ಮವಾಯಿತು. ಈ ಬೆಂಕಿ ಕನ್ನಡ ಬಿಗ್‌ ಬಾಸ್‌ ಸೆಟ್ಟನ್ನೂ ತಲುಪಿತು. 

ಬೆಂಕಿ ಅನಾಹುತ ಸುದ್ದಿ ಕೇಳಿ ಧಾವಿಸಿ ಬಂದ ಏಳು ಅಗ್ನಿ ಶಾಮಕಗಳು ಬೆಂಕಿ ನಂದಿಸುವ ಕೆಲಸವನ್ನು ಸಮರೋಪಾದಿಯಲ್ಲಿ ಕೈಗೊಂಡವು.

ಬೆಂಕಿ ಹೊತ್ತಿಕೊಂಡದ್ದನ್ನು ಅನುಸರಿಸಿ ಪಿಲಂ ಸಿಟಿಯ ಅಧಿಕಾರಿಗಳು ಮಾಧ್ಯಮದವರಿಗೆ ಮತ್ತು ಸಂದರ್ಶಕರಿಗೆ ಪ್ರವೇಶ ನಿರಾಕರಿಸಿದರು.