Advertisement
ಟಿ-20 ಸರಣಿ ಆರಂಭದಿಂದಲೂ ನ್ಯೂಜಿಲೆಂಡ್ ಸಂಪೂರ್ಣವಾಗಿ ಪಂದ್ಯದಲ್ಲಿ ನಿಯಂತ್ರಣ ಸಾಧಿಸಿದೆ. ಬೌಲಿಂಗ್‌ ಬ್ಯಾಟಿಂಗ್‌ ಎರಡರಲ್ಲೂ ಪ್ರವಾಸಿ ಪಾಕಿಸ್ತಾನ ತಂಡವನ್ನು ಬಗ್ಗುಬಡಿದಿದೆ. ಬುಧವಾರ (ಜ.17 ರಂದು) ಡ್ಯುನೆಡಿನ್ ನ ಯೂನಿವರ್ಸಿಟಿ ಓವಲ್ ಮೈದಾನದಲ್ಲಿ ನಡೆದ 3ನೇ ಟಿ-20 ಪಂದ್ಯದಲ್ಲಿ ಮೊದಲು ಬ್ಯಾಟ್‌ ಮಾಡಿದ ನ್ಯೂಜಿಲೆಂಡ್ 7 ವಿಕೆಟ್ ಕಳೆದಕೊಂಡು 224 ರನ್ ಪೇರಿಸಿತು.
Related Articles
Advertisement
ಅಂತಿಮವಾಗಿ 7 ವಿಕೆಟ್ ಕಳೆದುಕೊಂಡ ಪಾಕ್‌ 179 ರನ್ ಗಳಿಸಿ ಸೋಲು ಒಪ್ಪಿಕೊಂಡಿತು.
ಒಂದೇ ಪಂದ್ಯದಲ್ಲಿ ಹಲವು ದಾಖಲೆ ಬರೆದ ಅಲೆನ್: ಕಿವೀಸ್‌ ನ ಯುವ ಆಟಗಾರ ಫಿನ್‌ ಅಲೆನ್ ಕಳೆದ ಪಂದ್ಯದ ಸ್ಫೋಟಕ ಆಟಗಾರಿಕೆಯ ಲಯವನ್ನು ಈ ಪಂದ್ಯದಲ್ಲೂ ತೋರಿಸಿದರು. ಅವರ 137 ರನ್ ಹಲವು ದಾಖಲೆಗೆ ಕಾರಣವಾಗಿದೆ.
ಟಿ-20 ಪಂದ್ಯದಲ್ಲಿ 16 ಸಿಕ್ಸರ್‌ ದಾಖಲಿಸಿರುವ ಮೂಲಕ ಅಲೆನ್ ನಾಲ್ಕು ವರ್ಷಗಳ ಹಿಂದೆ ಡೆಹ್ರಾಡೂನ್‌ನಲ್ಲಿ ಐರ್ಲೆಂಡ್ ವಿರುದ್ಧ ಅಫ್ಘಾನಿಸ್ತಾನದ ಆರಂಭಿಕ ಆಟಗಾರ ಹಜರತುಲ್ಲಾ ಝಜೈ ಮಾಡಿದ್ದ ದಾಖಲೆಯನ್ನು ಸರಿಗಟ್ಟಿದ್ದಾರೆ.
ಅಲೆನ್ ಅವರ 62 ಎಸೆತಗಳಲ್ಲಿ 137 ರನ್ ಟಿ-20 ಮಾದರಿಯಲ್ಲಿ ನ್ಯೂಜಿಲೆಂಡ್ ಬ್ಯಾಟರ್‌ನಿಂದ ಗರಿಷ್ಠ ವೈಯಕ್ತಿಕ ಸ್ಕೋರ್ ಆಗಿದೆ. ಈ ಹಿಂದೆ ಬ್ರೆಂಡನ್ ಮೆಕಲಮ್ ಅವರು 123 ರನ್ ಗಳಿಸಿದ್ದರು.
ನ್ಯೂಜಿಲೆಂಡ್ ಬ್ಯಾಟರ್‌ ಯೊಬ್ಬ ಒಂದು ಪಂದ್ಯದಲ್ಲಿ 10 ಕ್ಕಿಂತ ಹೆಚ್ಚು ಸಿಕ್ಸರ್‌ ದಾಖಲಿಸಿದ್ದು ಇದೇ ಮೊದಲು. ಈ ಹಿಂದೆ 2017 ಹಾಗೂ 2018 ರಲ್ಲಿ ಕೋರಿ ಆಂಡರ್ಸನ್ ಮತ್ತು ಕಾಲಿನ್ ಮುನ್ರೊ ತಲಾ 10 ಸಿಕ್ಸರ್‌ಗಳನ್ನು ಬಾರಿಸಿದ್ದರು.
ಟಿ-20 ಮಾದರಿಯಲ್ಲಿ ನ್ಯೂಜಿಲೆಂಡ್ ಆಟಗಾರನೊಬ್ಬ ಸಿಡಿಸಿದ ಮೂರನೇ ಅತ್ಯಂತ ವೇಗದ ಶತಕ ಇದಾಗಿದೆ. ಅಲೆನ್ ಕೇವಲ 48 ಎಸೆತಗಳಲ್ಲಿ ತನ್ನ ಶತಕವನ್ನು ದಾಖಲಿಸಿದರು. ಈ ಹಿಂದೆ ಗ್ಲೆನ್ ಫಿಲಿಪ್ಸ್ ಅವರು 46 ಎಸೆತಗಳಲ್ಲಿ ಶತಕವನ್ನು ಸಿಡಿಸಿದ್ದರು.
ಈ ಪಂದ್ಯದಲ್ಲಿ ಅಲೆನ್ ಹ್ಯಾರಿಸ್ ರೌಫ್ ಓವರ್‌ ನಲ್ಲಿ ಮೂರು ಸಿಕ್ಸರ್‌ಗಳು, ಎರಡು ಬೌಂಡರಿಗಳು ಮತ್ತು ಒಂದು ಸಿಂಗಲ್‌ ನೊಂದಿಗೆ 27 ರನ್ ಗಳಿಸಿದರು.
5 ಪಂದ್ಯಗಳ ಟಿ-20 ಸರಣಿಯಲ್ಲಿ ನ್ಯೂಜಿಲೆಂಡ್ 3 ರಲ್ಲಿ ಗೆದ್ದು ಲೀಡ್ ನಲ್ಲಿದೆ.