ISIS: ಐಸಿಸ್‌ಗೆ ಹಣಕಾಸು ನೆರವು: ಟೆಕ್ಕಿ ಸೆರೆ

ಮುಂಬಯಿ: ಐಸಿಸ್‌ ಉಗ್ರಸಂಘಟನೆಗೆ ಹಣಕಾಸು ನೆರವು ಒದಗಿಸುತ್ತಿದ್ದ ಆರೋಪದ ಹಿನ್ನೆಲೆಯಲ್ಲಿ ಮಹಾರಾಷ್ಟ್ರದ ನಾಸಿಕ್‌ ಮೂಲದ ಇಂಜಿನಿಯರ್‌ ಒಬ್ಬನನ್ನು ಮಹಾರಾಷ್ಟ್ರದ ಭಯೋತ್ಪಾದನಾ ನಿಗ್ರಹ ದಳದ (ಎಟಿಎಸ್‌) ಸಿಬ್ಬಂದಿ ಬುಧವಾರ ಬಂಧಿಸಿದ್ದಾರೆ.

ನಾಸಿಕ್‌ನಲ್ಲಿ ಆಮದು-ರಫ್ತು ಬಿಸಿನೆಸ್‌ ನಡೆಸುತ್ತಿದ್ದ 32 ವರ್ಷದ ವ್ಯಕ್ತಿಯು ಐಸಿಸ್‌ಗೆ ಹಣ ನೀಡುತ್ತಿದ್ದ. ಜತೆಗೆ ಉಗ್ರಸಂಘಟನೆಯೊಂದಿಗೆ ಕರೆಗಳ ಮೂಲಕ ನಿರಂತರ ಸಂಪರ್ಕದಲ್ಲಿದ್ದ ಎನ್ನಲಾಗಿದೆ. ಈ ಹಿನ್ನೆಲೆಯಲ್ಲಿ ಅಕ್ರಮ ಚಟುವಟಿಕೆಗಳ ತಡೆ ಕಾಯ್ದೆ (ಯುಎಪಿಎ) ಕಾನೂನು ಬಾಹಿರ ಚಟುವಟಿಕೆ (ತಡೆ) ಕಾಯ್ದೆ ಅನ್ವಯ ಪ್ರಕರಣ ದಾಖಲಿಸಿದ ಆತನನ್ನು ಬಂಧಿಸಲಾಗಿದೆ.