ಚಲನಚಿತ್ರೋತ್ಸವ: ಲೋಗೋ ಬಿಡುಗಡೆ

ಮುಂಬಯಿ: ಮುಂಬಾಯಿಂಡಿಯಾ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದ ಲೋಗೋ ಬಿಡುಗಡೆ ಸಮಾರಂಭವು ಮೇ 10ರಂದು ಅಂಧೇರಿಯ ಫನ್‌ ರಿಪಬ್ಲಿಕ್‌ನಲ್ಲಿ ಸಕ್ಸಸ್‌ ಫಿಲ್ಮ್ಸ್ ನ ನೇತೃತ್ವದಲ್ಲಿ ನೆರವೇರಿತು.

ಪಾಪ್‌ ಗಾಯಕಿ ಶರೋನ್‌ ಪ್ರಭಾಕರ್‌ ಮತ್ತು ಕನ್ನಡಿಗ ಸುಧೀರ್‌ ಅತ್ತಾವರ್‌ ಅವರ ಕನಸಿನ ಕೂಸಿಗೆ ತ್ರಿವಿಕ್ರಮ್‌ ಬೆಳ್ತಂಗಡಿ, ಬಾಲ್‌ ಡಾನ್ಸರ್‌ ಸಂದೀಪ್‌ ಸೋಪರ್ಕರ್‌ ಜತೆಗೆ ಚೈತಾಲಿ ಚಟರ್ಜಿ ಸಂಸ್ಥಾಪಕರಾಗಿ ಕೈ ಜೋಡಿಸಿದ್ದಾರೆ.

ಜನವರಿ ಎರಡನೇ ವಾರದಲ್ಲಿ ಆರು ವಿಭಾಗಗಳಲ್ಲಿ 5 ದಿನ ಚಿತ್ರೋತ್ಸವ ನಡೆ ಯಲಿದೆ. ನಟ ಓಂಪುರಿ ಅವರ ಪತ್ನಿ ನಂದಿತಾ ಓಂ ಪುರಿ ಶುಭ ಹಾರೈಸಿದರು. ಸಕ್ಸಸ್‌ ಫಿಲ್ಮ್ಸ್ ನ ವಿದ್ಯಾಧರ್‌ ಶೆಟ್ಟಿ ಕಾರ್ಯಕ್ರಮ ಆಯೋಜಿಸಿದರು.