Advertisement
ತಮ್ಮ ವೈಯಕ್ತಿಕ ವಿಚಾರಕ್ಕೆ ಹಾಗೂ ಹಳೆಯ ದ್ವೇಷವನ್ನಿಟ್ಟುಕೊಂಡು ಪುಢಾರಿಗಳ ಗುಂಪು ಒಬ್ಬರ ಮೇಲೆ ಇನ್ನೊಬ್ಬರು ಮಾರಕಾಸ್ತ್ರ ಸೇರಿದಂತೆ ಕೈಗೆ ಸಿಕ್ಕ ವಸ್ತುಗಳಿಂದ ಹಲ್ಲೆ ಮಾಡುತ್ತಿರುವುದು ಇತ್ತೀಚಿನ ದಿನಗಳಲ್ಲಿ ನಗರದಲ್ಲಿ ಹೆಚ್ಚಾಗಿದೆ. ಗುಂಪು ಪೊಲೀಸರ ಭಯವಿಲ್ಲದೆ ಜನಸಮೂಹದ ಮಧ್ಯೆಯೆ ತಲ್ವಾರ್‌, ಮಚ್ಚು ಝಳಪಿಸುತ್ತಿರುವುದು ಆತಂಕಕಾರಿ ವಿಷಯವಾಗಿದೆ.
Related Articles
Advertisement
ನೇಕಾರನಗರ ಈಶ್ವರ ನಗರದಲ್ಲಿ ನಡೆದ ಘಟನೆಗೆ ಸಂಬಂಧಿಸಿ ಬಂಧಿತರಾಗಿ ಕಾರಾಗೃಹದಲ್ಲಿದ್ದ ವಿಚಾರಣಾಧೀನ ಕೈದಿಗಳ ಮೇಲೆಯೇ ಗುಂಪೊಂದು ಮಾರಕಾಸ್ತ್ರಗಳಿಂದ ಹಲ್ಲೆ ಮಾಡಿದೆ. ವಾಹನಗಳನ್ನು ಜಖಂಗೊಳಿಸಿದೆ. ಇದನ್ನೆಲ್ಲ ನೋಡಿದ ಜನರು ಕಾರಾಗೃಹ ಆವರಣದಲ್ಲಿಯೇ ಹೊಡೆದಾಟ ನಡೆಸುತ್ತಾರೆಂದರೆ ಇನ್ನು ಉಳಿದ ಸ್ಥಳಗಳಲ್ಲಿ ಇವರ ಆರ್ಭಟ ಹೇಗಿರಬಾರದು. ಇವರಿಗೆ ಪೊಲೀಸರ ಭಯವಿಲ್ಲವೇ ಎಂದು ಮಾತನಾಡಿಕೊಳ್ಳುತ್ತಿದ್ದಾರೆ.
ಅಷ್ಟೊಂದು ದುರ್ಬಲವೇ?:
ಅವಳಿ ನಗರದಲ್ಲಿ ಗೂಂಡಾಗಳು, ರಾಜಕೀಯ ಪುಢಾರಿಗಳು ಅಟ್ಟಹಾಸ ಮಾಡುತ್ತಿದ್ದರೂ ಪೊಲೀಸರು ಅಂಥವರ ಮೇಲೆ ಏಕೆ ದಿಟ್ಟಕ್ರಮ ಕೈಗೊಳ್ಳಲು ಹಿಂಜರಿಯುತ್ತಿದ್ದಾರೆ? ಅವರ ಮೇಲೆ ಕ್ರಮ ತೆಗೆದುಕೊಳ್ಳದಂತೆ ಕಾಣದ ಕೈಗಳು ಅವರ ಮೇಲೆ ಒತ್ತಡ ಹಾಕುತ್ತಿವೆಯೇ. ಅಧಿಕಾರಿಗಳ ಕೈಕಟ್ಟಿ ಹಾಕಲಾಗಿದೆಯೇ. ಪೊಲೀಸ್‌ ಇಲಾಖೆ ನಗರದಲ್ಲಿ ಅಷ್ಟೊಂದು ದುರ್ಬಲವಾಗಿದೆಯೇ ಎಂಬ ಮಾತುಗಳು ಸಾರ್ವಜನಿಕರಿಂದ ಕೇಳಿಬರುತ್ತಿವೆ.
ವೈಯಕ್ತಿಕ ವಿಚಾರವಾಗಿ ಹಾಗೂ ಹಳೆಯ ದ್ವೇಷಗಳನ್ನಿಟ್ಟು ಮಾರಕಾಸ್ತ್ರಗಳೊಂದಿಗೆ ಸಾರ್ವಜನಿಕವಾಗಿ ಹೊಡೆದಾಡಿಕೊಳ್ಳುವವರ ಮೇಲೆ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲು, ಅವಶ್ಯವಾದರೆ ಅಂಥವರ ಮೇಲೆ ಗೂಂಡಾ ಶೀಟ್ ಹಾಕಲು ಸೂಚಿಸಲಾಗಿದೆ. ಈಗಾಗಲೇ ಉಪಕಾರಾಗೃಹ ಬಳಿ ನಡೆದ ಗ್ಯಾಂಗ್‌ವಾರ್‌ಗೆ ಸಂಬಂಧಿಸಿ ಬಂಧಿತರ ಮೇಲೆ ಗೂಂಡಾಶೀಟ್ ಹಾಕಲು ಸಂಬಂಧಪಟ್ಟ ಇನ್ಸಪೆಕ್ಟರ್‌ಗೆ ತಿಳಿಸಲಾಗಿದೆ. •ಎಂ.ಎನ್‌. ನಾಗರಾಜ, ಹು-ಧಾ ಪೊಲೀಸ್‌ ಆಯುಕ್ತ