ಪ್ಲೀಸ್‌ ನನ್ನ ಮದುವೆ ನಿಲ್ಲಿಸಿ

ಜೈಪುರ: ರಾಜಸ್ಥಾನದ 15 ವರ್ಷ ವಯಸ್ಸಿನ ಬಾಲಕಿಯೊಬ್ಬಳು ನೇರವಾಗಿ ಮುಖ್ಯಮಂತ್ರಿ ಅಶೋಕ್‌ ಗೆಹ್ಲೋಟ್‌ ರನ್ನೇ ಭೇಟಿಯಾಗಿ ತನ್ನ ಮದುವೆ ತಡೆಯುವಂತೆ ಮನವಿ ಮಾಡಿದ ಘಟನೆ ನಡೆದಿದೆ.

ಟಾಂಕ್‌ ಜಿಲ್ಲೆಯ ಬಾಲಕಿ ತನ್ನ ಸಂಬಂಧಿಯೊಂದಿಗೆ ಮುಖ್ಯಮಂತ್ರಿ ನಿವಾಸದಲ್ಲಿ ನಡೆದ ಸಾರ್ವಜನಿಕ ಸಭೆಗೆ ಬಂದು ಈ ಮನವಿ ಮಾಡಿದ್ದಾಳೆ. ಮನವಿ ಸ್ವೀಕರಿಸಿದ ಗೆಹ್ಲೋಟ್‌, ಬಾಲಕಿಯ ಮದುವೆ ತಡೆಯುವಂತೆ ಮತ್ತು ಆಕೆಯ ವಿದ್ಯಾಭ್ಯಾಸಕ್ಕೆ ಅಗತ್ಯವಿರುವ ಎಲ್ಲ ಅನುಕೂಲಗಳನ್ನು ಮಾಡಿಕೊಡುವಂತೆ ಜಿಲ್ಲಾಡಳಿತಕ್ಕೆ ಮತ್ತು ಜಿಲ್ಲೆಯ ಎಸ್‌ಪಿಗೆ ಸೂಚಿಸಿದ್ದಾರೆ.