ಫಿಫಾ ವಿಶ್ವಕಪ್‌ ಫ‌ುಟ್‌ಬಾಲ್‌: 48 ತಂಡಗಳಿಲ್ಲ

ಕತಾರ್‌: ಕತಾರ್‌ನಲ್ಲಿ ನಡೆಯಲಿರುವ ಮುಂಬರುವ ಫಿಫಾ ವಿಶ್ವಕಪ್‌ ಫ‌ುಟ್‌ಬಾಲ್‌ ಪಂದ್ಯಾವಳಿಯಲ್ಲಿ 48 ತಂಡಗಳನ್ನು ಆಡಿಸುವ ಯೋಜನೆಯನ್ನು ಕೈಬಿಡಲಾಗಿದೆ. ಫಿಫಾ ಅಧ್ಯಕ್ಷ ಗಿಯಾನಿ ಇನ್‌ಫ್ಯಾಂಟಿನೊ ಈ ವಿಷಯವನ್ನು ತಿಳಿಸಿದರು. ಇದರಿಂದ 2022ರ ವಿಶ್ವಕಪ್‌ನಲ್ಲಿ ಮಾಮೂಲಿನಂತೆ 32 ತಂಡಗಳಷ್ಟೇ ಪ್ರತಿನಿಧಿಸಲಿವೆ.

“ಈಗಿನ ಪರಿಸ್ಥಿತಿಯಲ್ಲಿ ಅಧಿಕ ಸಂಖ್ಯೆಯ ತಂಡಗಳನ್ನು ಆಡಿಸಲು ಸಾಧ್ಯವಿಲ್ಲ. 32 ತಂಡಗಳಷ್ಟೇ ಇದರಲ್ಲಿ ಪಾಲ್ಗೊಳ್ಳಲಿವೆ. ಜೂನ್‌ 5ರಂದು ನಡೆಯಲಿರುವ ಫಿಫಾ ಸಭೆಯಲ್ಲಿ ಈ ವಿಷಯವನ್ನು ಮಂಡಿಸಲಾಗುವುದು’ ಎಂದು ಇನ್‌ಫ್ಯಾಂಟಿನೊ ಹೇಳಿದರು.