ಆನ್‌ಲೈನ್‌ ಚೆಸ್‌: ಭಾರತ ಕಳಪೆ ಆರಂಭ

ನವದೆಹಲಿ: ಫಿಡೆ ಚೆಸ್‌ ಡಾಟ್‌ ಕಾಮ್‌ ಆನ್‌ಲೈನ್‌ ರಾಷ್ಟ್ರೀಯ ಕಪ್‌ ಚೆಸ್‌ ಕೂಟದಲ್ಲಿ ವಿಶ್ವ ತಂಡದ ವಿರುದ್ಧ ಭಾರತ 1.5-2.5 ಅಂಕಗಳ ಅಂತರದಿಂದ ಸೋಲು ಅನುಭವಿಸಿದೆ.

ಮೊದಲ ಪಂದ್ಯದಲ್ಲಿಯೇ ಭಾರತೀಯರು ಕಳಪೆ ಪ್ರದರ್ಶನ ನೀಡಿ ನಿರಾಸೆ ಮೂಡಿಸಿದ್ದಾರೆ. ಮಾಜಿ ವಿಶ್ವ ಚಾಂಪಿಯನ್‌ ವಿಶ್ವನಾಥನ್‌ ಆನಂದ್‌ ಡ್ರಾಗೆ ತೃಪ್ತಿಪಟ್ಟರು. ಕೊನೆರು ಹಂಪಿ, ಪಿ.ಹರಿಕೃಷ್ಣ ಕೂಡ ಜಾದೂ ಮಾಡಲಿಲ್ಲ.

ಅಂತಿಮವಾಗಿ ಭಾರತ ಹಿನ್ನಡೆ ಅನುಭವಿಸಿತು. ಕೂಟದಲ್ಲಿ 3-1 ಅಂತರದಿಂದ ಯುರೋಪ್‌ ತಂಡವನ್ನು ಮಣಿಸಿರುವ ಚೀನಾ ಅಗ್ರಸ್ಥಾನದಲ್ಲಿದೆ.