ಕೋವಿಡ್ ಯೋಧರಿಗೆ ಸನ್ಮಾನ

ರಾಣಿಬೆನ್ನೂರ: ಕೋವಿಡ್  ಸೋಂಕು ಹರಡದಂತೆ ಆರೋಗ್ಯ ಇಲಾಖೆ, ಪೊಲೀಸ್‌ ಸಿಬ್ಬಂದಿ, ಪೌರಕಾರ್ಮಿಕರು ಹಗಲಿರುಳು ಶ್ರಮಿಸುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಅವರನ್ನು ಸನ್ಮಾನಿಸಿ ಗೌರವಿಸುವುದು ಮಾನವೀಯ ಧರ್ಮ ಎಂದು ನಗರಸಭೆ ಸದಸ್ಯ ಪ್ರಕಾಶ ಬುರುಡಿಕಟ್ಟಿ ಹೇಳಿದರು.

ನಗರದಲ್ಲಿ ಸೋಮವಾರ ತಮ್ಮ ಜನ್ಮದಿನ ನಿಮಿತ್ತ ಕೋವಿಡ್   ವಾರಿಯರ್ಸ್‌ಗಳಿಗೆ ಉಡುಗೊರೆ ನೀಡಿ, ಸನ್ಮಾನಿಸಿ ಅವರು ಮಾತನಾಡಿದರು. ಸಾರ್ವಜನಿಕರು ವೈರಸ್‌ ಕುರಿತು ಭಯ ಪಡದೇ ಸ್ವತ್ಛತೆ ಹಾಗೂ ಸಾಮಾಜಿಕ ಅಂತರ ಕಾಯ್ದುಕೊಂಡು ಆರೋಗ್ಯಕರ ಜೀವನ ನಡೆಸಬೇಕು. ಕೋವಿಡ್  ಎಂಬ ಮಹಾಮಾರಿ ತಡೆಗಟ್ಟಲು ನಾವೇಲ್ಲರೂ ಪಣತೊಡಬೇಕಾಗಿದೆ ಎಂದರು. ನಗರಸಭಾ ಸದಸ್ಯರಾದ ಹನುಮಂತಪ್ಪ ಹೆದ್ದೆರಿ, ನಾಗರಾಜ ಅಡ್ಮನಿ, ಶಂಭಣ್ಣ ಮಾಕನೂರು, ಕುಮಾರ ಕೊಪ್ಪದ್‌, ನೀಲಪ್ಪ ಕಸವಾಳ, ಕರಿಯಪ್ಪ ಅಣ್ಣೇರ, ಚಿಕ್ಕಪ್ಪ ಹೊಸಮನಿ, ಕುಮಾರ ಬಣಕಾರ ಇದ್ದರು.