Udupi: ಫೆ. 6-8: ಪುರಂದರದಾಸರ ಕೀರ್ತನೆ ಸ್ಪರ್ಧೆ

ಉಡುಪಿ: ಪರ್ಯಾಯ ಶ್ರೀ ಪುತ್ತಿಗೆ ಮಠದಿಂದ ಫೆ. 9ರಂದು ಶ್ರೀ ಪುರಂದರ ದಾಸ ಆರಾಧನೆ ಪ್ರಯುಕ್ತ ಶ್ರೀಕೃಷ್ಣ ಮಠದಲ್ಲಿ ಪುರಂದರ ವಿಠಲ ಅಂಕಿತವುಳ್ಳ ಕೀರ್ತನೆಗಳ ಸ್ಪರ್ಧೆ ಆಯೋಜಿಸಲಾಗಿದೆ.
ಸ್ಪರ್ಧಾ ವಿಜೇತರಿಗೆ ಪುರಂದರದಾಸರ ಆರಾಧನೆ ಯಂದು ಪರ್ಯಾಯ ಶ್ರೀ ಸುಗುಣೇಂದ್ರತೀರ್ಥ ಶ್ರೀಪಾದರು ಬಹುಮಾನ ನೀಡಿ ಆಶೀರ್ವದಿಸಲಿದ್ದಾರೆ. ವೈಯಕ್ತಿಕ (ಒಬ್ಬರು) ವಿಭಾಗ ಮತ್ತು ಸಾಮೂಹಿಕ (10 ಜನರು) ವಿಭಾಗದಲ್ಲಿ ಸ್ಪರ್ಧೆ ನಡೆಯಲಿದೆ.

ಫೆ. 6ರಿಂದ 8ರ ವರೆಗೆ ಮಧ್ವಮಂಟಪದಲ್ಲಿ ಸ್ಪರ್ಧೆ ನಡೆಯಲಿದ್ದು, ಫೆ. 5ರ ಒಳಗೆ ನೋಂದಾಯಿಸಿಕೊಳ್ಳಬೇಕು. ಮಾಹಿತಿಗೆ ಮಠದ ಕಚೇರಿಯನ್ನು ಸಂಪರ್ಕಿಸುವಂತೆ ಪ್ರಕಟನೆ ತಿಳಿಸಿದೆ.