ಅಂತ್ಯಸಂಸ್ಕಾರ ವೇಳೆ ಅವಘಡ; ಹೊತ್ತಿ ಉರಿದ ಗಿಡ-ಗಂಟಿ

ಗುತ್ತಲ: ಅಂತ್ಯ ಸಂಸ್ಕಾರದ ವೇಳೆ ಶವಕ್ಕೆ ಹಚ್ಚಿದ್ದ ಬೆಂಕಿ ಗಾಳಿಗೆ ಸ್ಮಶಾನದ ಪಕ್ಕದಲ್ಲಿದ್ದ ಹೊಲಕ್ಕೂ ಆವರಿಸಿದ ಪರಿಣಾಮ ಹಲವು ನಿಂಬೆ ಗಿಡಗಳು ಭಸ್ಮವಾದ ಘಟನೆ ನಡೆದಿದೆ.

ಬುಧವಾರ ಸ್ಥಳೀಯ ರೈತರೊಬ್ಬರು ನಿಧನರಾದ ಹಿನ್ನೆಲೆ ಸ್ಮಶಾನದಲ್ಲಿ ಶವ ಸಂಸ್ಕಾರ ನಡೆಸಲಾಗುತ್ತಿತ್ತು. ಈ ವೇಳೆ ಶವಕ್ಕೆ ಅಗ್ನಿಸ್ಪರ್ಶ ಮಾಡುತ್ತಿದ್ದಂತೆ ಪಕ್ಕದಲ್ಲಿಯೇ ಇದ್ದ ಜಾಲಿ ಗಿಡಗಳಿಗೆ ಬೆಂಕಿ ತಗುಲಿತು. ಕೂಡಲೇ ಎಚ್ಚೆತ್ತ ಸ್ಥಳೀಯರು ಅಗ್ನಿ ಶಾಮಕಕ್ಕೆ ಮಾಹಿತಿ ನೀಡಿ, ತಾವೂ ಬೆಂಕಿ ನಂದಿಸಲು ಮುಂದಾದರು. ಸ್ಥಳಕ್ಕಾಗಮಿಸಿದ ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿದ್ದು, ಸ್ಮಶಾನ ಪಕ್ಕದ ಹೊಲದಲ್ಲಿ ಬೆಳೆದಿದ್ದ ಕೆಲ ನಿಂಬೆಗಿಡಗಳು ಸಹ ಬೆಂಕಿಗಾಹುತಿಯಾಗಿವೆ.

ಅಗ್ನಿಶಾಮಕ ಸಿಬ್ಬಂದಿಗಳಾದ ಬಿ.ಟಿ.ನಾಗೇಶ, ಎಸ್‌.ಎಚ್‌. ಪ್ರಸನ್ನಕುಮಾರ, ವೀರೇಶ ತೆಗ್ಗಿನ, ರಮೇಶ ಗುಂಜಾಳ ಸೇರಿದಂತೆ ಇತರರಿದ್ದರು.