ಹುಲಿಕೇರಿ ಒಡೆಯುವ ಭೀತಿ

ಧಾರವಾಡ: ಅಳ್ನಾವರ ಸಮೀಪದ ಹುಲಿಕೇರಿ ಕೆರೆಯಿಂದ ಪ್ರವಾಹದ ಭೀತಿ ಎದುರಾಗಿದ್ದು, ಶುಕ್ರವಾರ ಒಂದೇ ದಿನ 700ಕ್ಕೂ ಅಧಿಕ ಜನರನ್ನು ಅಳ್ನಾವರದಿಂದ ಧಾರವಾಡ ನಗರದಲ್ಲಿರುವ ಮುಗದುಮ್ಮ ಕಲ್ಯಾಣ ಮಂಟಪಕ್ಕೆ ಸ್ಥಳಾಂತರಿಸಲಾಗಿದೆ.

ಅಲ್ಲಿಯೇ ಅವರಿಗೆ ವಸತಿ ಮತ್ತು ಊಟದ ವ್ಯವಸ್ಥೆ ಮಾಡಲಾಗಿದೆ. ಈ ಮಧ್ಯೆ, ಧಾರವಾಡ-ಸವದತ್ತಿ ರಸ್ತೆಯಲ್ಲಿ ಇನಾಂಹೊಂಗಲದ ಬಳಿ ಸೇತುವೆ ಕೊಚ್ಚಿ ಹೋಗಿದ್ದು
ಬಸ್‌ ಸಂಚಾರ ಇನ್ನೂ ಆರಂಭಗೊಂಡಿಲ್ಲ. ತುಪರಿ ಹಳ್ಳದಲ್ಲಿಯೂ ಪ್ರವಾಹ ನಿಂತಿದ್ದು, ಹಳ್ಳದ ಅಕ್ಕಪಕ್ಕದ 16 ಹಳ್ಳಿಯ ಜನರು ಕೊಂಚ ನಿಟ್ಟುಸಿರು ಬಿಟ್ಟಿದ್ದಾರೆ.