ಮುಕ್ತವಾಗಿರಲಿ ಡೇಟಾ: ಫೇಸ್‌ಬುಕ್‌

ನವದೆಹಲಿ: ಡೇಟಾ ಈ ಜಗತ್ತಿನ ಹೊಸ ತೈಲ ಎಂಬುದಾಗಿ ಈ ಹಿಂದೆ ರಿಲಯನ್ಸ್‌ ಮುಖ್ಯಸ್ಥ ಮುಖೇಶ್‌ ಅಂಬಾನಿ ಇತ್ತೀಚೆಗೆ ಹೇಳಿರುವುದನ್ನು ಸಾಮಾಜಿಕ ಅಂತರ್ಜಾಲ ತಾಣ ಫೇಸ್‌ಬುಕ್‌ ಅಲ್ಲಗಳೆದಿದೆ. ಡೇಟಾ ಜಗತ್ತಿನಲ್ಲಿ ಮುಕ್ತವಾಗಿ ಪ್ರವಹಿಸಬೇಕು. ಇದಕ್ಕೆ ದೇಶ ಗಡಿಯ ಮಿತಿ ವಿಧಿಸಬಾರದು ಎಂದು ಫೇಸ್‌ಬುಕ್‌ನ ಉಪಾಧ್ಯಕ್ಷ ನಿಕ್‌ ಕ್ಲೆಗ್‌ ಹೇಳಿದ್ದಾರೆ.

ರಾಷ್ಟ್ರೀಯ ಭದ್ರತೆಗೆ ಡೇಟಾ ಹಂಚಿ ಕೊಳ್ಳುವಿಕೆಯು ಅತ್ಯಂತ ಪ್ರಮುಖವಾಗಿದೆ. ಆದರೆ ಭಾರತದಲ್ಲಿ ಸದ್ಯ ಅಪರಾಧ ಮತ್ತು ಉಗ್ರವಾದವನ್ನು ನಿಯಂತ್ರಿಸುವ ನಿಟ್ಟಿನಲ್ಲಿ ಡೇಟಾ ಹಂಚಿಕೊಳ್ಳುವ ಪ್ರಕ್ರಿಯೆಗೆ ಅಡ್ಡಿಪಡಿಸಲಾಗುತ್ತಿದೆ ಎಂದು ಅವರು ಹೇಳಿದ್ದಾರೆ. ತಮ್ಮ ಡೇಟಾ ಯಾವುದಕ್ಕೆ ಬಳಕೆಯಾಗುತ್ತದೆ ಎಂಬುದನ್ನು ನಿರ್ಧರಿಸಲು ನಾಗರಿಕರಿಗೆ ಮುಕ್ತ ಅವಕಾಶ ನೀಡಬೇಕು. ಇದರಿಂದ ಪ್ರತಿಸ್ಪರ್ಧೆ ಮತ್ತು ನಾವೀನ್ಯತೆಗೆ ಅನುವು ಮಾಡಿಕೊಟ್ಟಂತಾಗುತ್ತದೆ ಎಂದೂ ಅವರು ಇದೇ ವೇಳೆ ಹೇಳಿದ್ದಾರೆ.