ಮೈಸೂರು: ಇಂಗ್ಲೆಂಡ್‌ನ ಪ್ರತಿಷ್ಠಿತ ಕನ್ನಡಿಗರು ಯು. ಕೆ. ಸಂಸ್ಥೆಯು ಕನ್ನಡ ರಾಜ್ಯೋತ್ಸವದ ಪ್ರಯುಕ್ತ ಆಯೋಜಿಸಿರುವ ಕನ್ನಡ ಹಬ್ಬದಲ್ಲಿ ಮೈಸೂರಿನ ನಟ ಮಂಡ್ಯ ರಮೇಶ್‌ ಹಾಗೂ ದಿಶಾ ರಮೇಶ್‌ ಭಾಗವಹಿಸಲಿದ್ದಾರೆ. ಕನ್ನಡಿಗರು ಯು.ಕೆ.ಸಂಸ್ಥೆಯು 13 ವರ್ಷಗಳಿಂದ ಕನ್ನಡ ರಾಜ್ಯೋತ್ಸವವನ್ನು ಅದ್ದೂರಿಯಾಗಿ ಆಚರಿಸುತ್ತಿದೆ.
ಈ ವೇಳೆ ಕರ್ನಾಟಕದ ರಾಜ್ಯದ ಅನೇಕ ಕಲಾವಿದರು, ಸಾಧಕರನ್ನು ಲಂಡನ್ನಿಗೆ ಕರೆಸಿ ಅವರನ್ನು ಗೌರವಿಸುವ ಕೆಲಸ ಮಾಡುತ್ತಿದೆ. ಅದರಂತೆ ನ.18 ಮತ್ತು 19ರಂದು ಲಂಡನ್‌ನ ವೆಂಬ್ಲಿ ಎಂಬಲ್ಲಿ ನಡೆಯುವ ಕನ್ನಡ ಹಬ್ಬ ಕಾರ್ಯ
ಕ್ರಮದಲ್ಲಿ ರಂಗಕರ್ಮಿ ಮತ್ತು ನಟ ಮಂಡ್ಯ ರಮೇಶ್‌ ಮತ್ತು ಅವರ ಪುತ್ರಿ ರಂಗಭೂಮಿ ಕಲಾವಿದೆಯಾದ ಗಾಯಕಿ ದಿಶಾ ರಮೇಶ್‌ ಅತಿಥಿಗಳಾಗಿ ಭಾಗ ವಹಿಸಲಿದ್ದಾರೆ.
ಕಾರ್ಯಕ್ರಮದಲ್ಲಿ ಮಂಡ್ಯ ರಮೇಶ್‌ ಅವರು ಕಿರು ಪ್ರಹಸನ, ರಂಗಭೂಮಿ ಕುರಿತ ಅವ ಲೋಕನ ಕಾರ್ಯಕ್ರಮ ನೀಡಲಿದ್ದು, ದಿಶಾ ರಮೇಶ್‌ ಅಪರೂಪದ ರಂಗಗೀತೆಗಳನ್ನು ಹಾಡಲಿದ್ದಾರೆ. ಐರ್ಲೆಂಡ್‌ನ‌ಲ್ಲಿ ಐರಿಶ್‌ ಕನ್ನಡಿಗರ ಸಂಘದಿಂದ ಆಯೋಜಿಸುವ ಕನ್ನಡ ರಾಜ್ಯೋತ್ಸವದಲ್ಲೂ ಈ ಇಬ್ಬರು ಭಾಗವಹಿಸಲಿದ್ದಾರೆ.
