Tekkatte: ವಾಹನ ಮನೆಯಲ್ಲೇ ಇದ್ದರೂ ಫಾಸ್ಟ್‌ ಟ್ಯಾಗ್‌ ವಾಲೆಟ್‌ನಿಂದ ಹಣ ಮಾಯ!

ತೆಕ್ಕಟ್ಟೆ: ಕುಂದಾಪುರ ತಾಲೂಕಿನ ಯಡಾಡಿ ಮತ್ಯಾಡಿ ಗ್ರಾಮದ ಗುಡ್ಡೆಅಂಗಡಿಯ ದಿನಸಿ ವ್ಯಾಪಾರಿ ರಾಘವೇಂದ್ರ ಪ್ರಭು ಅವರು ಎಲ್ಲಿಗೂ ಪ್ರಯಾಣಿಸದೆ ತಮ್ಮ ವಾಹನವನ್ನು ಮನೆಯಂಗಳದಲ್ಲಿ ನಿಲ್ಲಿದ್ದರೂ ಕೂಡ ಬ್ರಹ್ಮರಕೊಟ್ಲು ಟೋಲ್‌ ಪ್ಲಾಝಾದಿಂದ ಫಾಸ್ಟ್‌ಟ್ಯಾಗ್‌ ವಾಲೆಟ್‌ನಿಂದ ಹಣ ಕಡಿತವಾಗಿರುವ ಬಗ್ಗೆ ಮೊಬೈಲ್‌ಗೆ ಸಂದೇಶ ಬಂದಿರುವ ಘಟನೆ ಮೇ 16ರಂದು ಸಂಭವಿಸಿದೆ.

ಈ ಕುರಿತು ರಾಘವೇಂದ್ರ ಪ್ರಭು ಅವರು ಸಂಬಂಧಪಟ್ಟವರನ್ನು ವಿಚಾರಿಸಿದಾಗ ಯಾವುದೇ ಸಮರ್ಪಕವಾದ ಪ್ರತಿಕ್ರಿಯೆ ದೊರೆಯಲಿಲ್ಲ ಎಂದು ಉದಯವಾಣಿಗೆ ತಿಳಿಸಿದ್ದಾರೆ.