ಫಾಸ್ಟ್‌ ಅಂಗಡಿ ಮಾಲಕನನ್ನು ಗುಂಡಿಟ್ಟು ಕೊಂದ ಅಪರಿಚಿತರು

ಬೆರಾಂಪುರ, ಒಡಿಶಾ : ಫಾಸ್ಟ್‌ ಫ‌ುಡ್‌ ಅಂಗಡಿ ಮಾಲಕನನ್ನು ಅಪರಿಚಿತ ವ್ಯಕ್ತಿಗಳು ಗಂಜಾಂ ಜಿಲ್ಲೆಯ ದುಮಕುಂಪಾ ಗ್ರಾಮದಲ್ಲಿ ಗುಂಡಿಕ್ಕಿ ಸಾಯಿಸಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

19ರ ಹರೆಯದ ಪೂರ್ಣ ಚಂದ್ರ ಮಿಶ್ರಾ ಅವರ ಮೃತ ದೇಹ ಆತನ ಗ್ರಾಮದ ಕೊಳದ ಸಮೀಪ ಪತ್ತೆಯಾಯಿತೆಂದು ಪೊಲೀಸರು ಹೇಳಿದ್ದಾರೆ. ಮೃತ ದೇಹದ ಸಮೀಪವೇ ಹತ್ಯೆಗೆ ಬಳಸಲಾಗಿದ್ದ ಸಿಂಗಲ್‌ ಶಾಟ್‌ ಪಿಸ್ತೂಲನ್ನು ವಶಪಡಿಸಿಕೊಳ್ಳಲಾಗಿದೆ. 

ಈ ಹತ್ಯೆಗೆ ಯಾವುದೋ ಪೂರ್ವ ದ್ವೇಷ ಕಾರಣವಿರಬಹುದೆಂದು ಶಂಕಿಸಿರುವ ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ಆರಂಭಿಸಿರುವುದಾಗಿ ಭಂಜನಗರ ಉಪ ವಿಭಾಗೀಯ ಪೊಲೀಸ್‌ ಅಧಿಕಾರಿ ಉತ್ಕಲ್‌ ಕೇಸರಿ ದಾಸ್‌ ತಿಳಿಸಿದ್ದಾರೆ.