ಯಂತ್ರಗಳಿದ್ರೂ ರಸ್ತೆಗಳಲ್ಲಿ ಧಾನ್ಯ ಒಕ್ಕಣೆ

ಮುಳಬಾಗಿಲು: ರೈತರು ಬೆಳೆಯುವ ಧಾನ್ಯಗಳ ಒಕ್ಕಣೆಗಾಗಿ ಸರ್ಕಾರ ಕೃಷಿ ಇಲಾಖೆ ಮೂಲಕ ಉಪಕರಣಗಳನ್ನು ವಿತರಣೆ ಮಾಡುತ್ತಿದ್ದರೂ, ರೈತರು ಮಾತ್ರ ಅವುಗಳನ್ನು ಬಳಸಿಕೊಳ್ಳದೇ ರಸ್ತೆಗಳಲ್ಲೇ ಒಕ್ಕಣೆ ಮಾಡುತ್ತಿದ್ದಾರೆ. ಈ ದೃಶ್ಯ ರಾಷ್ಟ್ರೀಯ ಹೆದ್ದಾರಿ-75ರಲ್ಲಿ ಹೆಚ್ಚು ಕಂಡು ಬರುತ್ತಿದೆ.

ತಾಲೂಕಿನಲ್ಲಿ ಹಲವು ವರ್ಷಗಳ ಹಿಂದೆ ರೈತರುಬೆಳೆದ ರಾಗಿ, ಭತ್ತ, ಜೋಳ, ತೊಗರಿ, ಅವರೆ,ಹುರಳಿ, ನವಣೆ, ಸಜ್ಜೆಯಂತಹ ಬೆಳೆಗಳನ್ನು ತಮ್ಮಜಮೀನಿನಲ್ಲಿ ನೆಲಗಟ್ಟಿಗೊಳಿಸಿ ಸಗಣಿಯಿಂದಸಾರಿಸಿ ಕಣ ಸಿದ್ಧಪಡಿಸಿ, ಬಂಡೆಗಳ ಮೇಲೆಎತ್ತುಗಳಿಗೆ ಕಲ್ಲಿನ ಗುಂಡು ಕಟ್ಟಿ ಧಾನ್ಯಗಳ ಒಕ್ಕಣೆಮಾಡಲಾಗುತ್ತಿತ್ತು. ಇದರಿಂದ ಉತ್ತಮ ಆರೋಗ್ಯಭರಿತ ಧಾನ್ಯ ಮನೆಗೆ ಸಾಗಿಸುತ್ತಿದ್ದರು. ಅಂತಹ ಧಾನ್ಯಗಳ ಬಳಕೆಯಿಂದ ಮನುಷ್ಯರು ಅರೋಗ್ಯವಂತ ದೃಢಕಾಯರಾಗುತ್ತಿದ್ದರು.

ಗೇಟ್‌ಗಳಲ್ಲಿ ಧಾನ್ಯ ಒಕ್ಕಣೆ: ಆದರೆ, ಕಾಲ ಬದಲಾವಣೆಯಂತೆ ಪ್ರಸ್ತುತ ರೈತರು ಒಕ್ಕಣೆಗೆ ಎತ್ತುಗಳು ಹಾಗೂ ಆಳುಗಳ ಕೊರತೆಯಿಂದ ಹಣಉಳಿಸುವುದರೊಂದಿಗೆ ಸುಲಭ ರೀತಿಯಲ್ಲಿ ಧಾನ್ಯ ಗಳನ್ನು ಒಕ್ಕಣೆ ಮಾಡಬಹುದೆಂದು ಯೋಚಿಸಿ, ಬೆಳೆದ ನೆಲಗಡಲೆ, ರಾಗಿ, ಹುರಳಿ ಬೆಳೆಗಳನ್ನು ಸ್ಥಳೀಯ ಎಂಡಿಆರ್‌ ರಸ್ತೆಗಳೇ ಅಲ್ಲದೇ, 24 ಗಂಟೆ ಸಾವಿರಾರು ವಾಹನಗಳು ಸಂಚರಿಸುವ ರಾಷ್ಟ್ರೀಯ ಹೆದ್ದಾರಿ 75ರ ಕಮದಟ್ಟಿ, ಕಾಮನೂರು, ದೇವರಾಯಸಮುದ್ರ, ಕಾಂತರಾಜವೃತ್ತ, ಜಮ್ಮನಹಳ್ಳಿ ಗೇಟ್‌, ಶೀಗೇನಹಳ್ಳಿ, ಕಪ್ಪಲಮಡಗು, ಶ್ರೀರಂಗಪುರ, ಪದ್ಮಘಟ್ಟ, ತಾತಿಕಲ್ಲು, ಹಳೆಕುಪ್ಪ, ನಂಗಲಿ, ಮುಷ್ಟೂರು ಕ್ರಾಸ್‌ ಮತ್ತು ಮತ್ತು ರಾಷ್ಟ್ರೀಯ ಹೆದ್ದಾರಿ 234ರ ಸೊನ್ನವಾಡಿ, ಕವತನಹಳ್ಳಿ, ಕಾಡುಕಚ್ಚನಹಳ್ಳಿ, ವಜ್ರನಾಗೇನಹಳ್ಳಿ, ದೊಮ್ಮಸಂದ್ರ, ತಿಮ್ಮನಾಯಕನಹಳ್ಳಿ, ಮಲ್ಲನಾಯಕನಹಳ್ಳಿ, ಮೋಪರಹಳ್ಳಿ, ಕರವಿರೆಡಿಹಳ್ಳಿ ಸೇರಿ ವಿವಿಧ ಗೇಟ್‌ಗಳಲ್ಲೂ ಧಾನ್ಯ ಒಕ್ಕಣೆ ಮಾಡುತ್ತಿದ್ದಾರೆ.

ಹಲವರಿಗೆ ಗಾಯ: ಆದರೆ, ಹುಲ್ಲಿನ ಮೆದೆಗಳ ಮೇಲೆ ನೂರಾರು ವಾಹನಗಳು ಓಡಾಡುವುದರಿಂದ ಹುಲ್ಲು ಪುಡಿಯಾದರೂ ಧಾನ್ಯಗಳ ಜಾರುವಿಕೆಯಿಂದ ಪ್ರತಿನಿತ್ಯ ರಸ್ತೆಯಲ್ಲಿ ಸಂಚರಿಸುವ ದ್ವಿಚಕ್ರ ವಾಹನಗಳು ಅಪಘಾತಕ್ಕೀಡಾಗಿ ವಾಹನ ಸವಾರರು ಜಾರಿಬಿದ್ದು ಕೈ-ಕಾಲುಮುರಿದುಕೊಂಡು ಆಸ್ಪತ್ರೆ ಸೇರುತ್ತ, ಹಲವು ಜನರು ಪ್ರಾಣ ಕಳೆದುಕೊಳ್ಳುತ್ತಿದ್ದಾರೆ.

ಅಷ್ಟೇ ಅಲ್ಲದೇ, ಒಕ್ಕಣೆ ಸಮಯದಲ್ಲಿ ವಾಹನಓಡಾಡುವುದರಿಂದ ವಾಹನಗಳಲ್ಲಿನ ಇಂಧನಧಾನ್ಯಗಳ ಮೇಲೆ ಸಂಪ್ರೋಕ್ಷಣೆ ಆಗುವುದರೊಂದಿಗೆಚಕ್ರಗಳಲ್ಲಿನ ಮಣ್ಣು, ಹೊಲಸು ಧಾನ್ಯದೊಂದಿಗೆಬೆರೆತು ಆಹಾರ ಧಾನ್ಯಗಳು ಮಲಿನವಾಗುತ್ತಿದೆ.

ವಾಹನ ಸವಾರರಿಗೆ ಬೇಸರ: ಇಂತಹ ಧಾನ್ಯಗಳುಆರೋಗ್ಯಕ್ಕೆ ದುಷ್ಪರಿಣಾಮ ಉಂಟು ಮಾಡಬಹುದಾಗಿದೆ. ಇಷ್ಟಾದರೂ ರಸ್ತೆಯಲ್ಲಿ ಒಕ್ಕಣೆ ಮಾಡುವುದನ್ನು ನಿಲ್ಲಿಸಲಾಗುತ್ತಿಲ್ಲ. ಬದಲಿಗೆಅಪಘಾತ ಸೃಷ್ಟಿಸುವ ತಾಣಗಳಾಗಿ ಮಾರ್ಪಡುತ್ತಿವೆ.ಅದರಲ್ಲೂ ಮುಖ್ಯವಾಗಿ ಜನನಿಬಿಡ ವಾಹನಸಂಚಾರವಿರುವ ರಾ.ಹೆ.75ರ ಪದ್ಮಘಟ್ಟ ಬಳಿ ಇರುವಆರ್‌ಟಿಒ ಕಚೇರಿ ಎದುರೇ ರೈತರೊಬ್ಬರು ನೆಲಗಡೆಲೆಕಾಯಿಗಳನ್ನು ರಸ್ತೆಯಲ್ಲಿಯೇ ಹಾಕಿದ್ದರೂ ಯಾರೊಬ್ಬರೂ ಇತ್ತ ಕಡೆ ಗಮನಿಸದೇ ಇರುವುದು ವಾಹನ ಸವಾರರಿಗೆ ಬೇಸರ ಉಂಟು ಮಾಡಿತ್ತು.ಆದ್ದರಿಂದ ಆರ್ಥಿಕ ಮುಗ್ಗಟ್ಟಿನ ರೈತರು ಸರ್ಕಾರಿ ಯೋಜನೆಗಳನ್ನು ಸದುಪಯೋಗಪಡಿಸಿಕೊಂಡುರಸ್ತೆಯಲ್ಲಿ ಒಕ್ಕಣೆ ಮಾಡುವುದನ್ನು ಕೈಬಿಡಬೇಕಾಗಿದ್ದು ಸರ್ಕಾರವೂ ಈ ನಿಟ್ಟಿನಲ್ಲಿ ಚಿಂತನೆ ನಡೆಸಬೇಕಾಗಿದೆ.

ರೈತರು ಬೆಳೆದ ಬೆಳೆಗಳನ್ನು ಒಕ್ಕಣೆ ಮಾಡಲು ರಸ್ತೆಗಳಲ್ಲಿ ಹಾಕುವುದರಿಂದ ವಾಹನಗಳ ಓಡಾಟಕ್ಕೆ ತೊಂದರೆ ಆಗುತ್ತಿರುವುದಲ್ಲದೇ,ಅದರಿಂದ ಸಾಕಷ್ಟು ಅಪಘಾತಗಳು ಉಂಟಾಗುತ್ತಿದೆ. ಅಲ್ಲದೆ, ಒಕ್ಕಣೆಮಾಡಿದ ಧಾನ್ಯಗಳಲ್ಲಿ ವಾಹನಗಳಿಂದ ಸುರಿದ ಪೆಟ್ರೋಲ್‌, ಡೀಸೆಲ್‌ ಹಾಗೂ ಆಯಿಲ್‌ನಿಂದ ಧಾನ್ಯ ಕಲುಷಿತವಾಗುತ್ತಿದೆ. ಇದರಿಂದ ಈಧಾನ್ಯಗಳ ಬಳಕೆಗೂ ತೊಂದರೆಯುಂಟಾಗುವುದರಿಂದ ರೈತರು ರಸ್ತೆಯಲ್ಲಿ ಧಾನ್ಯಗಳ ಒಕ್ಕಣೆ ಮಾಡುವುದನ್ನು ಕೈ ಬಿಡಬೇಕು.-ರಾಮಚಂದ್ರ, ವಾಹನ ಸವಾರ

ಗ್ರಾಮೀಣ ಭಾಗದ ವಿವಿಧ ರಸ್ತೆಗಳಲ್ಲಿರೈತರು ಒಕ್ಕಣೆ ಮಾಡುವುದರಿಂದ ಉಂಟಾಗುವ ಸಾಧಕ ಬಾಧಕಗಳ ಕುರಿತು ಆಯಾ ಗ್ರಾಪಂವ್ಯಾಪ್ತಿಯಲ್ಲಿ ಜನರಿಗೆ ಅರಿವು ಮೂಡಿಸಲು ಗ್ರಾಪಂ ಅಧಿಕಾರಿಗಳು ಮತ್ತು ಸಿಬ್ಬಂದಿ ಜನಪ್ರತಿನಿಧಿಗಳ ಸಹಕಾರದೊಂದಿಗೆ ರೈತರಿಗೆ ಅರಿವು ಮೂಡಿಸಲು ಕ್ರಮ ತೆಗೆದುಕೊಳ್ಳಲಾಗುವುದು. – ಉಕೇಶ್‌ಕುಮಾರ್‌, ಸಿಇಒ, ಕೋಲಾರ ಜಿಪಂ

ರೈತರು ಬೆಳೆಯುವ ಧಾನ್ಯ ಒಕ್ಕಣೆಗಾಗಿ ರಸ್ತೆಗಳಲ್ಲಿ ಹಾಕುವುದರಿಂದ ವಾಹನ ಸಂಚಾರಕ್ಕೆ ಅಡ್ಡಿಯುಂಟಾಗುವುದಲ್ಲದೇ, ಅಪಘಾತಗಳಿಗೆ ಎಡೆ ಮಾಡಿಕೊಡುವುದರಿಂದ ಅಂತಹ ದುರ್ಘ‌ಟನೆಗಳಿಗೆ ಅವಕಾಶ ನೀಡದೇ ಕೃಷಿ ಇಲಾಖೆಯಲ್ಲಿ ದೊರೆಯುವ ಉಪಕರಣಗಳನ್ನು ಪಡೆದು ಧಾನ್ಯ ಒಕ್ಕಣೆ ಮಾಡಿಕೊಳ್ಳಬೇಕು. ಗ್ರಾಮೀಣ ಭಾಗದ ವಿವಿಧ ರಸ್ತೆಗಳಲ್ಲಿರೈತರು ಒಕ್ಕಣೆ ಮಾಡುವುದರಿಂದ ಉಂಟಾಗುವ ಸಾಧಕ ಬಾಧಕಗಳ ಕುರಿತು ಆಯಾ ಗ್ರಾಪಂ ವ್ಯಾಪ್ತಿಯಲ್ಲಿ ಜನರಿಗೆ ಅರಿವು ಮೂಡಿಸಲು ಗ್ರಾಪಂಅಧಿಕಾರಿಗಳು ಮತ್ತು ಸಿಬ್ಬಂದಿ ಜನಪ್ರತಿನಿಧಿಗಳ ಸಹಕಾರದೊಂದಿಗೆ ರೈತರಿಗೆ ಅರಿವು ಮೂಡಿಸಲು ಕ್ರಮ ತೆಗೆದುಕೊಳ್ಳಲಾಗುವುದು.-ರವಿಕುಮಾರ್‌, ಸಹಾಯಕ ,ನಿರ್ದೇಶಕ, ಕೃಷಿ ಇಲಾಖೆ.

 

-ಎಂ.ನಾಗರಾಜಯ್ಯ