‘ಫ‌ನ್‌’ಟಾಸ್ಟಿಕ್‌ ಫೋರ್‌ ಹಾಸ್ಯ ಕಾರ್ಯಕ್ರಮ ನಗರದಲ್ಲಿ ಏರ್ಪಾಡಾಗಿದೆ. ಫೆಂಟಾಸ್ಟಿಕ್‌ ಫೋರ್‌ ಎನ್ನುವುದು ಪ್ರಖ್ಯಾತ ಕಾಮಿಕ್‌ ಸರಣಿಯ ಹೆಸರು. ಮಾನವಾತೀತ ಶಕ್ತಿಗಳನ್ನು ಹೊಂದಿದ ನಾಲ್ವರು ಸೇರಿ ದುಶr ಶಕ್ತಿಗಳಿಂದ ಜಗತ್ತನ್ನು ಕಾಪಾಡುವ ತಂಡವೊಂದನ್ನು ಕಟ್ಟುತ್ತಾರೆ.
ಆ ತಂಡದ ಹೆಸರೇ ಫೆಂಟಾಸ್ಟಿಕ್‌ ಫೋರ್‌. ಈಗ ಅದನ್ನೇ ಒಂಚೂರು ಸ್ಪೆಲ್ಲಿಂಗ್‌ ಬದಲಾಯಿಸಿಕೊಂಡು ನಾಲ್ವರು ಮಹಿಳೆಯರು ‘ಫ‌ನ್‌ಟಾಸ್ಟಿಕ್‌ ಫೋರ್‌’ ಎಂಬ ತಂಡವೊಂದನ್ನು ಕಟ್ಟಿಕೊಂಡಿದ್ದಾರೆ. ಪೂಜಾ, ಪುಣ್ಯ, ಸ್ನೇಹ ಮತ್ತು ಶ್ರೀರೂಪಾ ಅವರೇ ಆ ನಾಲ್ವರು. ಇವರಿಗಿರುವ ಶಕ್ತಿ ಕಾಮಿಡಿ.
ಇವರು ಪ್ರೇಕ್ಷಕರನ್ನು ಮನಸೋ ಇಚ್ಛೆ ನಗಿಸಿ, ಅವರ ದೈನಂದಿನ ತಾಪತ್ರಯಗಳಿಂದ ಕಾಪಾಡುತ್ತಾರೆ ಎನ್ನಬಹುದು. ನಾನಾ ಕ್ಷೇತ್ರಗಳಲ್ಲಿ ದುಡಿಯುತ್ತಾ, ದೇಶದ ಉದ್ದಗಲಕ್ಕೂ ಸಂಚರಿಸುತ್ತಾ, ಅಂಡರ್‌ವಾಟರ್‌ ಫೋಟೋಗ್ರಫಿಯಂಥ ನಾನಾ ಹವ್ಯಾಸಗಳನ್ನು ಇಟ್ಟುಕೊಂಡಿರುವ ಈ ಮಹಿಳೆಯರ ಕಾಮಿಡಿಯಲ್ಲಿ ಸ್ವಾರಸ್ಯವೂ ಇದೆ, ಅನುಭವವೂ ಇದೆ.
ಎಲ್ಲಿ?: ಜಾಗೃತಿ ಥಿಯೇಟರ್‌, ರಾಮಗೊಂಡನಹಳ್ಳಿ, ವರ್ತೂರು ರಸ್ತೆ
ಯಾವಾಗ?: ಜ. 5, 2018, ರಾತ್ರಿ 8
