Advertisement
ಇದಕ್ಕೆ ಕಾರಣ, ಸ್ಟಂಪ್‌ಗೆ ಚೆಂಡು ಬಡಿದರೂ ಈ ಬೇಲ್ಸ್‌ಗಳು ಕೆಳಗುರುಳದಿರುವುದು! ವಿಶ್ವ ಕಪ್‌ ಕೂಟದಲ್ಲಿ ಈಗಾಗಲೇ ಸುಮಾರು 10 ಸಲ ಹೀಗಾಗಿದೆ. ಅಷ್ಟೂ ಸಲ ಬ್ಯಾಟ್ಸ್‌ಮನ್‌ಗಳು ಬಚಾ ವಾಗಿದ್ದಾರೆ. ಬೇಲ್ಸ್‌ಗಳ ಒಳಗೆ ಬಹಳಷ್ಟು ವಯರ್‌ಗಳಿರುವುದರಿಂದ ಅವುಗಳ ಭಾರ ಹೆಚ್ಚಾಗಿದೆ. ಹೀಗಾಗಿ ಅವು ಸ್ಟಂಪ್‌ನಿಂದ ಕೆಳಗುರುಳುತ್ತಿಲ್ಲ. ಬೇಲ್ಸ್‌ ಬಿದ್ದರೆ ಮಾತ್ರ ಆಟಗಾರ ಔಟ್‌ ಎಂಬುದು ಕ್ರಿಕೆಟ್‌ ನಿಯಮ.
ಬೇಲ್ಸ್‌ಗಳಿಂದ ಅತೀ ಹೆಚ್ಚು ಅನ್ಯಾಯವಾಗಿರುವುದು ಆಸ್ಟ್ರೇಲಿಯಕ್ಕೆ. ಕನಿಷ್ಠ 5 ಸಲ ಆಸ್ಟ್ರೇಲಿಯ ಆಟಗಾರರು ಬೇಲ್ಸ್‌ ಉರುಳದೆ ನಿರಾಶೆ ಅನುಭವಿಸಿದ್ದಾರೆ. ಹೀಗಾಗಿ ಫಿಂಚ್‌ ಎಲ್‌ಇಡಿ ಬೇಲ್ಸ್‌ ಮೇಲೆ ಉರಿದು ಬಿದ್ದಿದ್ದಾರೆ. ಕೊಹ್ಲಿ ಕೂಡ ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಇಂಥ ಯಡವಟ್ಟು ಆಗತ್ತಿರುವುದು ಸರಿಯಲ್ಲ ಎಂದು ಅಭಿಪ್ರಾಯಪಟ್ಟಿದ್ದಾರೆ. “ಬೇಲ್ಸ್‌ ತಂತ್ರಜ್ಞಾನ ಚೆನ್ನಾಗಿದೆ. ಸ್ಟಂಪ್‌ಗೆ ಚೆಂಡು ಬಡಿದರೆ ಸಂಶಯವೇ ಇಲ್ಲದಂತೆ ತಿಳಿಯುತ್ತದೆ. ಆದರೆ ಸ್ಟಂಪ್‌ ಮೇಲಿಂದ ಬೇಲ್ಸ್‌ ಉರುಳಿಸುವುದು ಮಾತ್ರ ಕಠಿನ ಕೆಲಸ. ನಾನು ಬ್ಯಾಟ್ಸ್‌ಮನ್‌ ಆಗಿಯೂ ಇದನ್ನು ಹೇಳುತ್ತಿದ್ದೇನೆ’ ಎಂದಿದ್ದಾರೆ ಕೊಹ್ಲಿ.
Related Articles
Advertisement
ಹಿಂದೆಂದೂ ಕಂಡಿಲ್ಲ…ಉತ್ತಮ ಎಸೆತಗಳಿಗೂ ವಿಕೆಟ್‌ ಬೀಳದಿರುವುದು ಕೊಹ್ಲಿಯನ್ನು ಕೆರಳಿಸಿದೆ. ಚೆಂಡು ತಾಗಿದರೂ ಬೇಲ್ಸ್‌ ನಲ್ಲಿರುವ ಲೈಟ್‌ ಮಿನುಗುವುದಿಲ್ಲ ಅಥವಾ ಬೇಲ್ಸ್‌ ಉರುಳುವುದಿಲ್ಲ. ಇಂಥದ್ಧನ್ನು ನಾನು ಈ ಹಿಂದೆ ನೋಡಿಲ್ಲ. ಇದು ಭಾರೀ ಅನ್ಯಾಯ ಎಂದಿರುವ ಕೊಹ್ಲಿ ಮಾತಿಗೆ ಫಿಂಚ್‌ ಸಹಮತ ವ್ಯಕ್ತಪಡಿಸಿದ್ದಾರೆ. ಸ್ಟಂಪ್‌ಗೆ ಚೆಂಡು ಬಡಿದರೂ ಈ ಬೇಲ್ಸ್‌ ಗಳು ಕೆಳಗುರುಳುವುದಿಲ್ಲ. ವಿಶ್ವಕಪ್ ಕೂಟದಲ್ಲಿ ಈಗಾಗಲೇ ಸುಮಾರು 10 ಸಲ ಹೀಗಾಗಿದೆ. ಅಷ್ಟೂ ಸಲ ಬ್ಯಾಟ್ಸ್‌ಮನ್‌ಗಳು ಬಚಾವಾಗಿದ್ದಾರೆ!