ಬೆಂಗಳೂರಿನಲ್ಲಿ 12 ಸಾವಿರ ನಕಲಿ ಮಾಸ್ಕ್ ವಶಕ್ಕೆ ಪಡೆದ ಸಿಸಿಬಿ

ಬೆಂಗಳೂರು: ಸಿಸಿಬಿ ಪೊಲೀಸರು ಬೆಂಗಳೂರಿನಲ್ಲಿ ದಾಳಿ ನಡೆಸಿ 12 ಸಾವಿರ ನಕಲಿ ಮಾಸ್ಕ್ ಗಳನ್ನು ವಶಕ್ಕೆ ಪಡೆದಿದ್ದಾರೆ.

ಸೋಮವಾರ ರಾತ್ರಿ ದಾಳಿ ನಡೆಸಿದ್ದ ಸಿಸಿಬಿ ಪೊಲೀಸರು ನಕಲಿ ಎನ್ 95 ಮಾಸ್ಕ್ ಗಳನ್ನು ವಶಕ್ಕೆ ಪಡೆದಿದ್ದಾರೆ. ಇವು ಸಾಧಾರಣ ಬಟ್ಟೆಯಿಂದ ಮಾಡಿರುವ ಮಾಸ್ಕ್ ಗಳಾಗಿದ್ದು, ಎನ್ 95 ಎಂದು ಸೀಲ್ ಹಾಕಲಾಗಿದೆ.

ಇಷ್ಟಲ್ಲದೆ ಈ ಮಾಸ್ಕ್ ಗಳನ್ನು ನಿಜವಾದ ಎನ್ 95 ಮಾಸ್ಕ್ ಗಳಂತೆ ದುಬಾರಿ ಬೆಲೆಗೆ ಮಾರಾಟ ಮಾಡಲಾಗುತ್ತಿತ್ತು ಎಂದು ವರದಿಯಾಗಿದೆ.