Threats: ದೇಶಾದ್ಯಂತ ಸಿಆರ್‌ಪಿಎಫ್ ಶಾಲೆಗಳಿಗೆ ಹುಸಿ ಬಾಂಬ್‌ ಬೆದರಿಕೆ

ನವದೆಹಲಿ: ದೆಹಲಿ ಮತ್ತು ಹೈದರಾಬಾದ್‌ ದೇಶದ ಕೆಲವು ಭಾಗಗಳಲ್ಲಿರುವ ಸಿಆರ್‌ಪಿಎಫ್ ಶಾಲೆಗಳನ್ನು ಸುಧಾರಿತ ಸ್ಫೋಟಕಗಳನ್ನು ಬಳಸಿ ನ್ಪೋಟಿಸಲಾಗುವುದು ಎಂದು ಹುಸಿ ಬಾಂಬ್‌ ಬೆದರಿಕೆ ಹಾಕಲಾಗಿದೆ.

ಸೋಮವಾರ ರಾತ್ರಿ ಈ ಬೆದರಿಕೆ ಇಮೇಲ್‌ ಕಳುಹಿಸಲಾಗಿತ್ತು.  ದೆಹಲಿಯ ರೋಹಿಣಿ ಮತ್ತು ದ್ವಾರಕಾ ಹಾಗೂ ಹೈದರಾಬಾದ್‌ನ ಮೆಡcಲ್‌ನ ಶಾಲೆಗಳಿಗೆ ಇ-ಮೇಲ್‌ ರವಾನೆಯಾಗಿತ್ತು. ಹೀಗಾಗಿ, ಎಲ್ಲೆಡೆ ತೀವ್ರ ತಪಾಸಣೆ ನಡೆಸಲಾಗಿದೆ. ಬಳಿಕ ಬೆದರಿಕೆ ಹುಸಿ ಎಂದು ಖಚಿತಪಡಿಸಿಕೊಳ್ಳಲಾಗಿದೆ. ಹೀಗಾಗಿ, ಮಂಗಳವಾರ ಶಾಲೆಗಳು ನಿರಾತಂಕವಾಗಿ ಕಾರ್ಯನಿರ್ವಹಿಸಿದವು.

ದೆಹಲಿಯ ರೋಹಿಣಿಯಲ್ಲಿರುವ ಸಿಆರ್‌ಪಿಎಫ್ ಶಾಲೆಯ ಬಳಿ ಭಾನುವಾರ ಸ್ಫೋಟ ಸಂಭವಿಸಿದ ಬಳಿಕ ಈ ಬೆಳವಣಿಗೆ ಉಂಟಾಗಿದೆ.