ಮಣಿಪಾಲದ ನರ್ಸಿಂಗ್‌ ಪ್ರಾಧ್ಯಾಪಕಿ ಡಾ|ಎಲ್ಸಾ ಸನತೋಬಿ ದೇವಿಗೆ ರಾಷ್ಟ್ರ ಪ್ರಶಸ್ತಿ

ಉಡುಪಿ: ಮಾಹೆ ವಿ.ವಿ.ಯ ಮಣಿಪಾಲ ಕಾಲೇಜ್‌ ಆಫ್ ನರ್ಸಿಂಗ್‌ ಪ್ರಾಧ್ಯಾಪಕಿ ಡಾ| ಎಲ್ಸಾ ಸನತೊಂಬಿ ದೇವಿಯವರು ನರ್ಸಿಂಗ್‌ ಕ್ಷೇತ್ರದಲ್ಲಿ ಸಲ್ಲಿಸಿರುವ ವಿಶೇಷ ಸೇವೆ ಮತ್ತು ಸಾಧನೆಯನ್ನು ಗುರುತಿಸಿ 2021ನೇ ಸಾಲಿನ ನ್ಯಾಶನಲ್‌ ಪ್ಲಾರೆನ್ಸ್‌ ನೈಟಿಂಗೆಲ್‌ ಅವಾರ್ಡ್‌ ಅನ್ನು ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರು ನ. 7ರಂದು ರಾಷ್ಟ್ರಪತಿ ಭವನದಲ್ಲಿ ಪ್ರದಾನ ಮಾಡಿದರು.

ಡಾ| ಎಲ್ಸಾ ಅವರ ಸೇವೆ ಮತ್ತು ಸಾಧನೆಗೆ ಮಾಹೆ ವಿ.ವಿ.ಯ ಸಹ ಕುಲಾಧಿಪತಿ ಡಾ| ಎಚ್‌.ಎಸ್‌.ಬಲ್ಲಾಳ್‌, ಕುಲಪತಿ ಲೆ| ಜ| ಡಾ| ಎಂ.ಡಿ.ವೆಂಕಟೇಶ್‌ ಅವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.