Advertisement
ಹೀಗೆ ಗಟ್ಟಿಯಾದ ಧ್ವನಿಯಲ್ಲಿ ಹೇಳಿದವರು ವಿಶ್ವಜ್ಯೋತಿ ಪಂಚಾಕ್ಷರಿ ನಾಟಕ ಸಂಘ ಕಂಪನಿಯ ಮಾಲೀಕ, ನಟ, ನಿರ್ದೇಶಕ ಹಾಗೂ ಕವಿ ರಾಜಣ್ಣ ಜೇವರ್ಗಿ. ರವಿವಾರ ಕನ್ನಡ ಭವನದಲ್ಲಿ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್‌ ವತಿಯಿಂದಆಯೋಜಿಸಲಾಗಿದ್ದ ಮನದಾಳದ ಮಾತಿನಲ್ಲಿ ಅವರು ಈ ಅಭಿಪ್ರಾಯ ವ್ಯಕ್ತಪಡಿಸಿದರು.
ಟೈಲರ್‌ ನಾಟಕಕಾರನಾದ ಕಥೆ: ಜೇವರ್ಗಿ ತಾಲೂಕಿನ ಚಿಕ್ಕಜೇವರ್ಗಿಯ ರಾಜಣ್ಣ ಬಾಲಯ್ಯ, ತಾಯಿ ಚಂದ್ರಮ್ಮ ದಂಪತಿಯ ಮಗ ನಾನು. ಅಪ್ಪನದು ಸೇಂದಿ ತೆಗೆಯುವ ಕಾಯಕವಾದರೆ, ತಾಯಿಯದು ಹೊಲದಲ್ಲಿ ಕೂಲಿ ಕಾರ್ಮಿಕಳ
ಕೆಲಸ. ತಾಯಿ ಚಂದ್ರಮ್ಮಳ ಹಾಡುಗಾರಿಕೆಯಿಂದ ಪ್ರಭಾವಿತರಾಗಿದ್ದ ರಾಜಣ್ಣ ಭಜನೆ, ಕೋಲಾಟ ಮುಂತಾದ ಹಾಡುಗಳನ್ನು ಹಾಡುವುದನ್ನು ಎರವಲು ಪಡೆದುಕೊಂಡೆ.
Related Articles
ಬಳಿಕ ರಂಗಭೂಮಿಗೆ ತಂದು ನಿಲ್ಲಿಸಿತು. 1971-72ರಲ್ಲಿನ ತೀವ್ರ ಬರಗಾಲ ಅನ್ನ ಸಿಗದ ಪರಿಸ್ಥಿತಿ ತಂದೊದಗಿಸಿತು. ನನ್ನ ಕಣ್ಣೆದುರೇ ನಡೆದ ಹಸುಗೂಸಿನ ತಾಯಿಯ ಘಟನೆಯೊಂದು ನನ್ನಿಂದ ನಾಟಕ ಬರೆಸಿತು. ನಂತರ ನಾಟಕಗಳಲ್ಲಿ ಚಿಕ್ಕ-ಪುಟ್ಟ ಪಾತ್ರಗಳನ್ನು ಮಾಡಿಕೊಂಡು ಅಭಿನಯವೇ ಜೀವನವಾಯಿತು ಎಂದು ತಮ್ಮ ಹಳೆಯ ದಿನಗಳನ್ನು ಸ್ಮರಿಸಿಕೊಂಡರು.
Advertisement
1984ರಲ್ಲಿ ಹವ್ಯಾಸಿ ಕಲಾವಿದರಾಗಿ ರಂಗ ಪ್ರವೇಶಿಸಿದ ನಾನು 1989ರಲ್ಲಿ ವಿಶ್ವಜ್ಯೋತಿ ಪಂಚಾಕ್ಷರಿ ನಾಟಕ ಸಂಘ ಕಟ್ಟಿಕೊಂಡು ರಾಜ್ಯದ ಹಲವು ಭಾಗಗಳು, ನೆರೆಯ ಮಹಾರಾಷ್ಟ್ರ ಸುತ್ತಿ ಅನೇಕ ಪ್ರದರ್ಶನಗಳನ್ನು ನೀಡಿದ್ದೇನೆ. 2008ರಲ್ಲಿ ರಚಿಸಿ ನಿದೇರ್ಶಿಸಿದ “ಕುಂಟಕೋಣ ಮೂಕ ಜಾಣ’ ನಾಟಕ ಅತಿದೊಡ್ಡ ಯಶಸ್ಸು ಕಂಡಿದೆ.
ಅಲ್ಲದೇ ಇದರ ಮಧ್ಯೆ ಸಾಕಷ್ಟು ಕಷ್ಟ-ನಷ್ಟಗಳನ್ನು ಅನುಭವಿಸಿದ್ದೇನೆ ಎಂದು ತಮ್ಮ ಹಾದಿಯನ್ನು ವಿವರಿಸಿದರು. ಕಸಾಪ ಜಿಲ್ಲಾಧ್ಯಕ್ಷ ವೀರಭದ್ರ ಸಿಂಪಿ ಅಧ್ಯಕ್ಷತೆ ವಹಿಸಿದ್ದರು. ಸಿ.ಎಸ್‌. ಮಾಲಿಪಾಟೀಲ ಪ್ರಾರ್ಥನಾ ಗೀತೆ ಹಾಡಿದರು. ಗೌರವಾಧ್ಯಕ್ಷ ಡಾ| ವಿಜಯಕುಮಾರ ಪರುತೆ ಸ್ವಾಗತಿಸಿದರು, ಮಡಿವಾಳಪ್ಪ ನಾಗರಹಳ್ಳಿ ನಿರೂಪಿಸಿದರು. ಹಿರಿಯ ಕಲಾವಿದ ಎಲ್‌.ಬಿ.ಕೆ. ಅಲ್ದಾಳ, ಶೇಖ್‌ ಮಾಸ್ಟರ್‌, ಶ್ರೀಧರ ಹೆಗಡೆ, ಕೆ.ಎಂ. ಮಠ, ಬಂಡೇಶ ರೆಡ್ಡಿ, ಸುಜಾತಾ ಬಂಡೇಶ ರೆಡ್ಡಿ ಮತ್ತು ಕಲಾಭಿಮಾನಿಗಳು ಇದ್ದರು.