ಇರ್ಮಾ ಚಂಡಮಾರುತ: ಮೃತರ ಸಂಖ್ಯೆ 17ಕ್ಕೇರಿಕೆ

ಕೇಪ್‌-ಹೈಟಿಯನ್‌: ಕೆರೆಬಿಯನ್‌ ದ್ವೀಪಗಳನ್ನು ಅಪ್ಪಳಿಸಿರುವ ಇರ್ಮಾ ಚಂಡಮಾರುತಕ್ಕೆ ಬಲಿಯಾದವರ ಸಂಖ್ಯೆ ಶುಕ್ರವಾರ 17ಕ್ಕೇರಿದೆ. ದ್ವೀಪ ಸಮೂಹದ ಹಲವಾರು ಮನೆಗಳು ಹಾನಿಗೀಡಾಗಿವೆ. ಅಮೆರಿಕದ ಫ್ಲೋರಿಡಾದಲ್ಲಿ ಈ ಚಂಡಮಾರುತ ಸಾಕಷ್ಟು ಹಾನಿ ಮಾಡುವ ಸಂಭವ ಇರುವುದರಿಂದ ಫ್ಲೋರಿಡಾ ಕರಾವಳಿ ಮತ್ತು ಜಾರ್ಜಿಯಾದಿಂದ ಸುಮಾರು 10 ಲಕ್ಷ ಜನರನ್ನು ಸುರಕ್ಷಿತ ಪ್ರದೇಶಗಳಿಗೆ ಸ್ಥಳಾಂತರಿಸಲಾಗುತ್ತಿದೆ. ಈ ಚಂಡಮಾರುವ ಅತ್ಯಂತ ವಿನಾಶಕಾರಿಯಾಗಲಿದೆ ಎಂದು ಅಮೆರಿಕ ಫೆಡರಲ್‌ ತುರ್ತು ಪರಿಸ್ಥಿತಿ ನಿರ್ವಹಣ ಸಂಸ್ಥೆ ಹೇಳಿದೆ.