ಗಣೇಶೋತ್ಸವಕ್ಕೆ ಹೆಚ್ಚುವರಿ ವಿಶೇಷ ರೈಲುಗಳ ಓಡಾಟ

ಉಡುಪಿ: ಗಣೇಶೋತ್ಸವದ ಪ್ರಯುಕ್ತ ಸೆಂಟ್ರಲ್‌ ರೈಲ್ವೇ ಹಾಗೂ ವೆಸ್ಟರ್ನ್ ರೈಲ್ವೇ ಸಹಯೋಗದೊಂದಿಗೆ ಹೆಚ್ಚುವರಿ ವಿಶೇಷ ರೈಲುಗಳನ್ನು ಓಡಿಸಲು ತೀರ್ಮಾನಿಸಲಾಗಿದೆ. (ಮುಂಗಡ ಕಾದಿಸುವವರಿಗೆ ಮೀಸಲು).

ನಂ. 09183 ಮುಂಬಯಿ ಸೆಂಟ್ರಲ್‌ – ಸುರತ್ಕಲ್‌ (ವಿಶೇಷ ದರ) ಮುಂಬಯಿ ಸೆಂಟ್ರಲ್‌ನಿಂದ ಸೆ. 8 ಮತ್ತು 15ರಂದು ರಾತ್ರಿ 11.55ಕ್ಕೆ ಹೊರಡುತ್ತದೆ. ರೈಲು ಸುರತ್ಕಲ್‌ಗೆ ಮರುದಿನ ರಾತ್ರಿ 8ಕ್ಕೆ ತಲುಪುತ್ತದೆ. ನಂ. 09184 ಸುರತ್ಕಲ್‌ – ಮುಂಬಯಿ ಸೆಂಟ್ರಲ್‌ (ವಿಶೇಷ ದರ) ಸುರತ್ಕಲ್‌ನಿಂದ ಸೆ. 9 ಹಾಗೂ 16ರಂದು ರಾತ್ರಿ 9.15ಕ್ಕೆ ಹೊರಟು ಮರುದಿನ 8.55ಕ್ಕೆ ಮುಂಬಯಿ ಸೆಂಟ್ರಲ್‌ ತಲುಪಲಿದೆ.

ಬೊರಿವಲಿ, ವಸಾೖ ರೋಡ್‌, ಪನ್ವೇಲ್, ರೋಹಾ, ಮಂಗಾವ್‌, ಖೇಡ್‌, ಚಿಪ್ಳೂಣ್‌, ಸಂಗಮೇಶ್ವರ ರಸ್ತೆ, ರತ್ನಾಗಿರಿ, ರಾಜಾಪುರ ರಸ್ತೆ, ವೈಭವವಾಡಿ ರಸ್ತೆ, ಕಂಕವ್ಳಿ, ಸಿಂಧುದುರ್ಗ, ಕುಡಲ್, ಸಾವಂತವಾಡಿ ರಸ್ತೆ, ತಿವಿಮ್, ಕರ್ಮಾಲಿ, ಮಡಗಾಂವ್‌, ಕಾರವಾರ, ಕುಮಟಾ, ಭಟ್ಕಳ, ಕುಂದಾಪುರ, ಉಡುಪಿ ಮತ್ತು ಮೂಲ್ಕಿಯಲ್ಲಿ ನಿಲುಗಡೆ ಇರುತ್ತದೆ.