ಟೆಲಿಕಾಂ ಕಂಪನಿಗಳಿಂದ ಪ್ರಿಪೇಯ್ಡ್ ಅವಧಿ ವಿಸ್ತರಣೆ

ಹೊಸದಿಲ್ಲಿ: ಲಾಕ್‌ಡೌನ್‌ ಹಿನ್ನೆಲೆಯಲ್ಲಿ ಟೆಲಿಕಾಂ ಕಂಪೆನಿ ಗಳು, ಗ್ರಾಹಕರ ನೆರವಿಗೆ ಮುಂದಾಗಿದ್ದು, ಪ್ರೀಪೇಯ್ಡ್ ಸೇವೆಯನ್ನು ಮೇ 3ರ ವರೆಗೆ ವಿಸ್ತರಿಸಿರುವುದಾಗಿ ತಿಳಿಸಿವೆ.

ಪ್ರಸ್ತುತ ಸವಾಲಿನ ಸಮಯದಲ್ಲಿ ಕಡಿಮೆ ವರಮಾನ ಹೊಂದಿರುವ ಗ್ರಾಹಕರು ಹಾಗೂ ಪ್ರತಿಯೊಬ್ಬರಿಗೂ ಈ ಸೇವೆ ನೆರವಾಗಲಿದೆ ಎಂದು ಜಿಯೋ ತಿಳಿಸಿದೆ. ಏರ್‌ಟೆಲ್‌, ವೊಡಾಫೋನ್‌, ಐಡಿಯಾ ಸಂಸ್ಥೆಗಳು ಕೂಡ ರಿಚಾರ್ಜ್‌ ಅವಧಿಯನ್ನು ವಿಸ್ತರಿಸಿವೆ.

ಸುಮಾರು 3 ಕೋಟಿ ಗ್ರಾಹಕರಿಗೆ ಈ ಅವಧಿಯಲ್ಲಿ ಪ್ರಿಪೇಯ್ಡ್ ರೀಚಾರ್ಜ್‌ ಮಾಡಿಕೊಳ್ಳಲು ಸಾಧ್ಯ ಆಗುವುದಿಲ್ಲ. ಅವರಿಗೆ ಮೇ 3ರ ವರೆಗೆ ಸೇವೆಗಳು ಮುಂದುವರಿಯಲಿವೆ ಎಂದು ಏರ್‌ಟೆಲ್‌ ತಿಳಿಸಿದೆ. ಪ್ರೀಪೇಯ್ಡ್ ಅವಧಿ ಪೂರ್ಣಗೊಂಡಿರುವ ಗ್ರಾಹಕರಿಗೆ ಅನುಕೂಲ ಆಗಲಿದೆ.