ದೇಶದ ರಫ್ತುಪ್ರಮಾಣ ಏರಿಕೆ

ಹೊಸದಿಲ್ಲಿ: ದೇಶದ ರಫ್ತು ಪ್ರಮಾಣ 7 ತಿಂಗಳಲ್ಲೇ ಮೊದಲ ಬಾರಿಗೆ ಏರಿಕೆಯಾಗಿದೆ. ಫೆಬ್ರವರಿ ತಿಂಗಳಲ್ಲಿ ರಫ್ತು ಶೇ.2.91ರಷ್ಟು ಏರಿಕೆಯಾಗಿದ್ದು, 27.65 ಶತಕೋಟಿ ಡಾಲರ್‌ ಮೊತ್ತದ ವಸ್ತುಗಳು ರಫ್ತಾಗಿವೆ ಎಂದು ವಾಣಿಜ್ಯ ಸಚಿವಾಲಯ ಬಿಡುಗಡೆ ಮಾಡಿದ ಅಂಕಿಅಂಶ ತಿಳಿಸಿದೆ.

ಆಮದು ಪ್ರಮಾಣ ಕೂಡ ಶೇ.2.48ರಷ್ಟು ಹೆಚ್ಚಳವಾಗಿದ್ದು, 37.5 ಶತಕೋಟಿ ಡಾಲರ್‌ ಆಗಿದೆ. ಇದರಿಂದಾಗಿ ವ್ಯಾಪಾರದ ಕೊರತೆ ಪ್ರಮಾಣ 9.85 ಶತಕೋಟಿ ಡಾಲರ್‌ಗೆ ತಲುಪಿದೆ. ಕಳೆದ ವರ್ಷದ ಫೆಬ್ರವರಿ ತಿಂಗಳಲ್ಲಿ ಈ ಕೊರತೆಯ ಪ್ರಮಾಣವು 9.72 ಶತಕೋಟಿ ಡಾಲರ್‌ ಇತ್ತು.