ಮಹಿಳೆಯ ವೈಕಲ್ಯ ಮೀರಿದ ಪರಿಶ್ರಮ

ತಿರುವನಂತಪುರ: ಸಾಧನೆಗೆ ಅಂಗವೈಕಲ್ಯ ಎಂದಿಗೂ ತೊಡಕಲ್ಲ ಎಂಬುದನ್ನು ಸಾಬೀತುಪಡಿಸಿರುವ ಅನೇಕ ಪ್ರತಿಭೆಗಳಿಗೆ ಇದೀಗ ಕೊಟ್ಟಾಯಂನ ಲತೀಶಾ ಅನ್ಸಾರಿ ಸೇರ್ಪಡೆಗೊಂಡಿದ್ದಾರೆ. ಅನ್ಸಾರಿ,

ಹುಟ್ಟಿನಿಂದಲೇ ಮೂಳೆಗಳ ಸಂಬಂಧಿತ ಕಾಯಿಲೆಯನ್ನು (ಟೈಪ್‌ 2 – ಒಸ್ಟಿಯೋಜೆನಿಸಿಸ್‌ ಇಂಪರ್ಫೆಕ್ಟಾ) ಹೊಂದಿದ್ದು, ಜತೆಗೆ ಪಲ್ಮನರಿ ಹೈಪರ್‌ಟೆನ್ಶನ್‌ ಹೊಂದಿದ್ದಾರೆ. ಹಾಗಾಗಿ, ಅವರು ಎಲ್ಲರಂತೆ ಸಹಜವಾಗಿ ಬೆಳವಣಿಗೆಯಾಗಿಲ್ಲ.

ಓಡಾಡಲು ಗಾಲಿ ಕುರ್ಚಿಯನ್ನೇ ಅವಲಂಬಿಸಿರುವ ಅವರು ಸದಾ ತಮ್ಮೊಂದಿಗೆ ಆಮ್ಲಜನಕದ ಸಿಲಿಂಡರನ್ನು ಹೊಂದಿರುತ್ತಾರೆ. ಇಂಥ ದಯನೀಯ ಸ್ಥಿತಿಯಲ್ಲಿದ್ದರೂ ಐಎಎಸ್‌ ಮಾಡುವ ಗುರಿ ಹೊಂದಿರುವ ಲತೀಶಾ, ಈ ಬಾರಿಯ ಐಎಎಸ್‌ ಪೂರ್ವಭಾವಿ ಪರೀಕ್ಷೆಯನ್ನೂ ತೆಗೆದುಕೊಂಡಿದ್ದರು.

ಕೊಟ್ಟಾಯಂನಲ್ಲಿ ರವಿವಾರ ಪರೀಕ್ಷೆ ಬರೆಯಲು ಆಮ್ಲಜನಕದ ಸಿಲಿಂಡರ್‌ ಜತೆಗೇ ಆಗಮಿಸಿದ್ದ ಇವರ ಬಗ್ಗೆ ಮಾಧ್ಯಮಗಳಲ್ಲಿ ಬಂದ ವರದಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿವೆ.