ಕೇರಳ:ಕೊರಿಯರ್‌ ಸೆಂಟರ್‌ನಲ್ಲಿ 200 ಕೋಟಿ ರೂ ಮೌಲ್ಯದ ಡ್ರಗ್ಸ್‌ ವಶ!

ಕೊಚ್ಚಿ:ಕೇರಳದ ಡ್ರಗ್ಸ್‌ ನಿಗ್ರಹ ದಳದ ಅಧಿಕಾರಿಗಳು ಮಹತ್ವ ಕಾರ್ಯಾಚರಣೆ ನಡೆಸಿ 200 ಕೋಟಿ ರೂಪಾಯಿ ಮೌಲ್ಯದ 32 ಕೆಜಿಯಷ್ಟು ಮಾದಕ ದೃವ್ಯವನ್ನು ವಶಪಡಿಸಿಕೊಂಡಿದ್ದಾರೆ. 

ಖಾಸಗಿ ಸಂಸ್ಥೆ ನಡೆಸುತ್ತಿದ್ದ ಕೊರಿಯರ್‌ ಶಾಪ್‌ನಲ್ಲಿ ಈ ಡ್ರಗ್ಸ್‌ ಪತ್ತೆಯಾಗಿದ್ದು ಸುಮಾರು 64 ಪ್ಯಾಕ್‌ಗಳಲ್ಲಿ ಸಾಗಾಣಿಗೆ ಮಾಡುವ ಸಲುವಾಗಿ ಸಂಗ್ರಹಿಸಿ ಇಡಲಾಗಿತ್ತು. ಪ್ಯಾಕೆಟ್‌ಗಳನ್ನು ಬಟ್ಟೆಯಲ್ಲಿ ಸುತ್ತಿ ಬಾಕ್ಸ್‌ಗಳಲ್ಲಿ ಇಡಲಾಗಿರುವುದು ಕಂಡು ಬಂದಿದೆ. 

ಮಾದಕ ದ್ರವ್ಯ ಸಾಗಾಣಿಕೆದಾರರೊಂದಿಗೆ ಕೊರಿಯರ್‌ ಸೆಂಟರ್‌ ಉದ್ಯೋಗಿಗಳು ಭಾಗಿಯಾಗಿದ್ದರು ಎಂದು ತಿಳಿದು ಬಂದಿದೆ.