ಎವರೆಸ್ಟ್‌: ಟ್ರಾಫಿಕ್‌ ಜಾಮ್‌

ಕಠ್ಮಂಡು: ವಿಶ್ವದ ಅತಿ ಎತ್ತರದ ಶಿಖರವಾದ, 8,848 ಮೀ. ಎತ್ತರದ ಗೌರಿ ಶಂಕರವನ್ನು ಹತ್ತಲು ನೀ ಮುಂದು, ತಾ ಮುಂದು ಎನ್ನುವಂತೆ 200 ಪರ್ವತಾರೋಹಿಗಳು ಮುಂದಾಗಿದ್ದರಿಂದ ಅಲ್ಲಿ ಬುಧವಾರ ಟ್ರಾಫಿಕ್‌ ಜಾಮ್‌ನಂಥ ವಾತಾವರಣ ನಿರ್ಮಾಣವಾಗಿ ತ್ತೆಂದು ಕೆಲವು ಮಾಧ್ಯಮ ವರದಿಗಳು ಹೇಳಿವೆ. ವಿಶ್ವದ ನಾನಾ ದೇಶಗಳಿಂದ ಬಂದಿರುವ ಪರ್ವತಾರೋಹಿಗಳು, ಗೌರಿಶಂಕರದ 4ನೇ ಕ್ಯಾಂಪ್‌ ಅನ್ನು ಬುಧವಾರ ಬೆಳಗ್ಗೆಯೇ ಮುಟ್ಟಿದ್ದರು. ಅಲ್ಲಿಂದ ಮುಂದಕ್ಕೆ ಹತ್ತಲು ಕ್ಯೂ ಪಾಲಿಸಬೇಕಿ ದ್ದರಿಂದ ಒಂದು ಗಂಟೆಯ ಸಮಯ ವ್ಯರ್ಥವಾಯಿತು ಎಂದು ಶಿಖರಗಾಮಿಗಳು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.