ಸೋಂಕು ದೃಢಪಡದ ಜಿಲ್ಲೆಗಳಲ್ಲೂ ಪರೀಕ್ಷೆಗೆ ಸೂಚನೆ

ಬೆಂಗಳೂರು: ಕೋವಿಡ್ 19 ವೈರಸ್‌ ಸೋಂಕು ದೃಢಪಡದ ಜಿಲ್ಲೆಗಳಲ್ಲಿ ಶುಕ್ರವಾರದಿಂದಲೇ ಇನ್‌ಫ್ಲೂಯೆಂಜಾ ಲೈಕ್‌ ಇಲೆ°ಸ್‌ (ಐಎಲ್‌ಐ) ಹಾಗೂ ತೀವ್ರ ಉಸಿರಾಟ (ಸಿವಿಯರ್‌ ಆಕ್ಯೂಟ್‌ ರೆಸ್ಪಿರೇಟರಿ ಇಲ್‌ನೆಸ್‌) ರೋಗದ ಲಕ್ಷಣಗಳಿರುವವರಿಗೆ ಸೋಂಕು ಪರೀಕ್ಷೆ ಮಾಡುವಂತೆ ರಾಜ್ಯ ಸರಕಾರ ಆದೇಶಿಸಿದೆ.

ರೋಗ ಲಕ್ಷಣಗಳು ಕಾಣಿಸದೇ ಸೋಂಕು ವರದಿಯಾಗುವ ಸಾಧ್ಯತೆ ಇರುವ ಕಾರಣ ಪ್ರತಿ ದಿನ ಕನಿಷ್ಠ 100 ಮಂದಿಯ ಮಾದರಿಗಳನ್ನು ಪಡೆದು, ಅಧಿಕೃತ ಪ್ರಯೋಗಾಲಯಗಳಿಗೆ ಎ. 17, ಎ. 18 ಮತ್ತು ಎ.19ರಂದು ಪರೀಕ್ಷೆಗೆ ಕಳುಹಿಸಿಕೊಡುವಂತೆ ಸೂಚಿಸಲಾಗಿದೆ. ಅನಂತರದಲ್ಲಿ ದಿನಕ್ಕೆ 50ರಂತೆ ಮಾದರಿಗಳನ್ನು ತಪಾಸಣೆಗಾಗಿ ಕಳುಹಿಸಿಕೊಡುವಂತೆ ಜಿಲ್ಲಾಧಿಕಾರಿಗಳಿಗೆ ಸೂಚಿಸಲಾಗಿದೆ.