ಆಂಧ್ರ-ಕರ್ನಾಟಕ ಗಡಿ ಚೆಕ್ ಪೋಸ್ಟ್ ಸ್ಥಾಪನೆ: ಕಾಲುದಾರಿ ಮುಖಾಂತರ ಜನ ಸಂಚಾರಕ್ಕೆ ತಡೆ

ಬೆಂಗಳೂರು:ಯಾವುದೇ ನೆಪವೊಡ್ಡಿ ಆಂಧ್ರಪ್ರದೇಶ-ಕರ್ನಾಟಕ ಚೆಕ್ ಪೋಸ್ಟ್ ಸ್ಥಾಪಿಸಿದ್ದು, ಕಾಲುದಾರಿ ಮೂಲಕ ಜನ ಸಂಚರಿಸದಂತೆ ನಿರ್ಬಂಧ ವಿಧಿಸಲಾಗಿದೆ.

ಸಿರಗುಪ್ಪ ಆಂಧ್ರದ ಕರ್ನೂಲ್ ಅನಂತಪುರ ಜಿಲ್ಲೆಗಳಲ್ಲಿ ಕೋವಿಡ್ ಸೋಂಕು ಹೆಚ್ಚಳವಾಗಿದೆ. ಅಲ್ಲದೇ ಹೊಳಗುಂದ ಹರಿವಾಣ ಕೌತಾಳಂ, ಬದನೆ ಹಾಳು, ಗೂಳ್ಯಂ ಕೋಯಿಲ್ ತೋಟ, ಡಿ ಹಿರೇಹಾಳ್ ಗಡಿ ಭಾಗದ ವಿವಿಧ ಗ್ರಾಮಗಳ ಜನರು ಕಾಲು ದಾರಿಗಳ ಮೂಲಕ ಯಾವುದೇ ಕಾರಣ ಹೇಳಿ ಸಂಬಂಧಿಕರ ನೆಪ ಒಡ್ಡಿ ಆಗಮಿಸುವುದು ಸಾಮಾನ್ಯವಾಗಿದೆ.

ಜಿಲ್ಲೆಗೆ ನೆರೆಯ ಆಂಧ್ರದಿಂದ ಯಾರೇ ಬಂದರೂ ಜಿಲ್ಲಾ ಆಡಳಿತಕ್ಕೆ ಮಾಹಿತಿ ನೀಡಬೇಕೆಂದು ಜಿಲ್ಲಾಧಿಕಾರಿ ಎಸ್ ಎಸ್ ನಕುಲ್ ಈಗಾಗಲೇ ತಿಳಿಸಿದ್ದಾರೆ. ಆಂಧ್ರದ ಜನರು ಸುರಕ್ಷಿತ ಸ್ಥಳಕ್ಕೆ ಕಾಲುದಾರಿಗಳ ಮುಖಾಂತರ ಬರಲು ಪ್ರಯತ್ನಿಸುತ್ತಾರೆ ಅವರನ್ನು ತಡೆಯಲಾಗುವುದು ಜತೆಗೆ ಅಂಥವರನ್ನು ಪತ್ತೆ ಹಚ್ಚಲಾಗುತ್ತಿದೆ ಎಂದು ತಿಳಿಸಿದ್ದಾರೆ.

ಜನ ಮನೆಯಲ್ಲಿದ್ದು, ಆದಷ್ಟು ಸಾಮಾಜಿಕ ಅಂತರ ಕಾಯ್ದುಕೊಳ್ಳಬೇಕು ಹೀಗಾದಾಗ ಮಾತ್ರ ಕೋವಿಡ್ ಮಟ್ಟ ಹಾಕಲು ಸಾಧ್ಯ ಎಂದು ಜಿಲ್ಲಾ ಎಸ್ಪಿ ಸಿಕೆ ಬಾಬಾ ಪ್ರತಿಕ್ರಿಯೆ ನೀಡಿದ್ದಾರೆ.