K. S. Eshwarappa ಮೋದಿ ಫೋಟೋ ಬಳಕೆ: ಇನ್ನೂ ಬಾರದ ಕೋರ್ಟ್‌ ತೀರ್ಪು

ಶಿವಮೊಗ್ಗ: ಚುನಾವಣೆ ಪ್ರಚಾರದಲ್ಲಿ ಕೆ.ಎಸ್‌.ಈಶ್ವರಪ್ಪ ಅವರು ಮೋದಿ ಫೋಟೊ ಬಳಕೆ ಆಕ್ಷೇಪ ವ್ಯಕ್ತಪಡಿಸಿ ಜಿಲ್ಲಾ ಬಿಜೆಪಿ ಕೋರ್ಟ್‌ ಮೊರೆ ಹೋಗಿದ್ದು, ಇನ್ನೂ ತೀರ್ಪು ಬಂದಿಲ್ಲ. ಅರ್ಜಿಯ ವಿಚಾರಣೆ ನಡೆಸುತ್ತಿದ್ದ ನ್ಯಾಯಾಧೀಶರಲ್ಲಿ ಒಬ್ಬರು ನಿವೃತ್ತರಾಗಿದ್ದು, ಮತ್ತೊಬ್ಬರು ವರ್ಗಾವಣೆಯಾಗಿದ್ದಾರೆ.

ಈ ನಡುವೆ ಬೇಸಗೆ ರಜೆ ಇದ್ದು, ವಿಶೇಷ ಕೋರ್ಟ್‌ ಮುಂದೆ ಅರ್ಜಿ ವಿಚಾರಣೆಗೆ ಬರಬೇಕಿದೆ. ಇದರಿಂದ ಈಶ್ವರಪ್ಪ ಅವರನ್ನು ನಿಯಂತ್ರಿಸಲು ಮುಂದಾಗಿದ್ದ ಬಿಜೆಪಿಗೆ ಕೊಂಚ ನಿರಾಸೆಯಾಗಿದೆ. ಮತದಾನಕ್ಕೆ ಬೆರಳೆಣಿಕೆ ದಿನ ಬಾಕಿ ಇದ್ದು ಕೋರ್ಟ್‌ ತೀರ್ಪು ತಡವಾದಷ್ಟು ಈಶ್ವರಪ್ಪಗೆ ಲಾಭ ಹೆಚ್ಚು ಎನ್ನಲಾಗುತ್ತಿದೆ.