ಇಷಾ ದೇವಲ್‌-ಭರತ್‌ ತಖ್‌ಥಾನಿ ದಂಪತಿಗೆ ಎರಡನೇ ಹೆಣ್ಣು ಮಗು ಜನನ

ಮುಂಬಯಿ : ಬಾಲಿವುಡ್‌ ನಟಿ ಇಷಾ ದೇವಲ್‌ ಮತ್ತು ಆಕೆಯ ಉದ್ಯಮಿ ಪತಿ ಭರತ್‌ ತಖ್‌ಥಾನಿ ಅವರಿಗೆ ಜೂನ್‌ 10ರಂದು ಎರಡನೇ ಹೆಣ್ಣು ಮಗು ಜನಿಸಿದೆ. ಮೊದಲ ಮಗಳು ರಾಧ್ಯಾ 2017 ಅಕ್ಟೋಬರ್‌ 23ರಂದು ಜನಿಸಿದ್ಧಳು.

“ನಮ್ಮ ಸಂಸಾರಕ್ಕೆ ಹೊಸ ಸೇರ್ಪಡೆ : ಮಿರಾಯಾ ತಖ್‌ಥಾನಿ ! ಜೂನ್‌ 10, 2019 ಜನನ. ದೇವರಿಗೆ ನಮ್ಮ ಕೃತಜ್ಞತೆಗಳು’ ಎಂದು ಇಷಾ ಇನ್‌ಸ್ಟಾಗ್ರಾಂ ನಲ್ಲಿ ಎರಡನೇ ಮಗುವಿನ ಜನನವನ್ನು ಮುದ್ದಾದ ಫೋಟೋ ಜತೆಗೆ ಸಂಭ್ರಮಿಸಿದ್ದಾರೆ. ಜತೆಗೆ ಮೊದಲ ಮಗಳು ರಾಧ್ಯಾ ಳ ಫೋಟೋ ಶೇರ್‌ ಮಾಡಿಕೊಂಡಿರುವ ಇಷಾ ಅದಕ್ಕೆ ಈ ರೀತಿ ಬರೆದಿದ್ದಾರೆ : “ನಾನೀಗ ಹಿರಿಯಕ್ಕನಾಗಿ ಭಡ್ತಿ ಪಡೆದಿದ್ದೇನೆ’.

ಇಷಾ ಅವರು ಹಿರಿಯ ಹಿಂದಿ ಚಿತ್ರ ನಟ ಧರ್ಮೇಂದ್ರ ಮತ್ತು ಹೇಮಾಮಾಲಿನಿ ದಂಪತಿಯ ಪುತ್ರಿ. ಇಷಾಗೆ ಭರತ್‌ ಜತೆಗೆ ಮದುವೆಯಾದದ್ದು 2012ರ ಜೂನ್‌ನಲ್ಲಿ.