ಜೀವ ವೈವಿಧ್ಯತೆ ಕಾಳಜಿ ಅಗತ್ಯ

ಹಾನಗಲ್ಲ: ಪ್ರಕೃತಿಯಲ್ಲಿ ಜೀವಿಗಳು ಒಂದೊಕ್ಕೊಂದು ಹೊಂದಾಣಿಕೆಯಿದ್ದು, ಜೀವ ವೈವಿಧ್ಯತೆ ಬಗ್ಗೆ ಕಾಳಜಿ ವಹಿಸಿ ನೈಸರ್ಗಿಕ ಸಮತೋಲನ ಕಾಪಾಡಿಕೊಂಡರೆ ಮಾತ್ರ ಪರಿಸರ ರಕ್ಷಣೆ ಸಾಧ್ಯ ಎಂದು ಸಂಸದ ಶಿವಕುಮಾರ ಉದಾಸಿ ಹೇಳಿದರು.

ಪಟ್ಟಣದಲ್ಲಿ ವಿಶ್ವ ಪರಿಸರ ದಿನಾಚರಣೆ ಅಂಗವಾಗಿ ಪಟ್ಟಣದ ವಿವೇಕಾನಂದ ನಗರದ ಉದ್ಯಾನವನ ಹಾಗೂ ಸರಕಾರಿ ಪದವಿ ಕಾಲೇಜು ಆವರಣದಲ್ಲಿ, ಅರಣ್ಯ ಇಲಾಖೆ ಸಹಯೋಗದಲ್ಲಿ ಸಸಿ ನೆಡುವ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಬಿಜೆಪಿ ತಾಲೂಕಾಧ್ಯಕ್ಷ ರಾಜೂ ಗೌಳಿ, ಮುಖಂಡರಾದ ಕಲ್ಯಾಣಕುಮಾರ ಶೆಟ್ಟರ, ರವಿ ಪಾಟೀಲ, ರವಿ ಕಲಾಲ, ಅರಣ್ಯಾಧಿಕಾರಿ ಪಿ.ಎಚ್‌. ಪೇಲನವರ, ವಿ.ಆರ್‌. ಪಾಟೀಲ, ಎಸ್‌.ಎಂ.ತಳವಾರ, ಬಿ.ಎನ್‌. ಹೊಸೂರ, ಸುಪ್ರಿಯಾ ಬೇದ್ರೆ, ಸತೀಶ ನಾಯಕ ಮೊದಲಾದವರು ಇದ್ದರು.