ಲಂಕೆಯನ್ನು ಕ್ಲೀನ್ ಸ್ವಿಪ್‌ ಮಾಡಿದ ಇಂಗ್ಲೆಂಡ್

ಸೌತಾಂಪ್ಟನ್‌: ಶ್ರೀಲಂಕಾವನ್ನು 3-0 ಕ್ಲೀನ್‌ ಸ್ವೀಪ್‌ ಮಾಡುವ ಮೂಲಕ ಇಂಗ್ಲೆಂಡ್‌ ಟಿ20 ಕ್ರಿಕೆಟ್‌ನಲ್ಲಿ ಅಮೋಘ ಪ್ರದರ್ಶನ ನೀಡಿದೆ.

ಇಲ್ಲಿನ “ರೋಸ್‌ಬೌಲ್‌ ಸ್ಟೇಡಿಯಂ’ನಲ್ಲಿ ನಡೆದ ಅಂತಿಮ ಮುಖಾಮುಖೀಯಲ್ಲಿ ಇಯಾನ್‌ ಮಾರ್ಗನ್‌ ಬಳಗ 89 ರನ್ನುಗಳ ಭರ್ಜರಿ ಜಯ ಸಾಧಿಸಿತು.

ಡೇವಿಡ್‌ ಮಲಾನ್‌-ಜಾನಿ ಬೇರ್‌ಸ್ಟೊ ಅವರ ಸಿಡಿಲಬ್ಬರದ ಬ್ಯಾಟಿಂಗ್‌ ಆಂಗ್ಲರ ಸರದಿಯ ಹೈಲೈಟ್‌ ಆಗಿತ್ತು. ಈ ಆರಂಭಿಕ ಜೋಡಿಯ ಶತಕದ ಜತೆಯಾಟದ ನೆರವಿನಿಂದ ಇಂಗ್ಲೆಂಡ್‌ 6 ವಿಕೆಟಿಗೆ 180 ರನ್‌ ರಾಶಿ ಹಾಕಿತು. ಇಬ್ಬರೂ ಅರ್ಧ ಶತಕ ಪೂರೈಸಿದರು.

ಇನ್ನಷ್ಟು ಕಳಪೆ ಬ್ಯಾಟಿಂಗ್‌ ಪ್ರದರ್ಶಿಸಿದ ಶ್ರೀಲಂಕಾ 18.5 ಓವರ್‌ಗಳಲ್ಲಿ 91 ರನ್ನಿಗೆ ಸರ್ವಪತನ ಕಂಡಿತು. ಲಂಕಾ ಸರದಿಯಲ್ಲಿ 20 ರನ್‌ ಮಾಡಿದ ಬಿನುರ ಫೆರ್ನಾಂಡೊ ಅವರದೇ ಹೆಚ್ಚಿನ ಗಳಿಕೆ.