ಇಂಗ್ಲೆಂಡ್‌ ವನಿತಾ ಕ್ರಿಕೆಟ್‌ ತಂಡ ಭಾರತಕ್ಕೆ

ಹೊಸದಿಲ್ಲಿ: ಟಿ20 ಸರಣಿಗಾಗಿ ಇಂಗ್ಲೆಂಡ್‌ ವನಿತಾ ತಂಡ ಮುಂದಿನ ಫೆಬ್ರವರಿಯಲ್ಲಿ ಭಾರತಕ್ಕೆ ಬರಲಿದೆ.

ಐಸಿಸಿ ವನಿತಾ ಚಾಂಪಿಯನ್‌ಶಿಪ್‌ ತಯಾರಿಗಾಗಿ ನಡೆಯಲಿರುವ ಈ ಸರಣಿಯು 3 ಏಕದಿನ ಹಾಗೂ 3 ಟಿ20 ಪಂದ್ಯಗಳನ್ನು ಒಳಗೊಂಡಿದೆ. ಏಕದಿನ ಸರಣಿ ಫ್ರೆಬವರಿ 22ರಿಂದ ಹಾಗೂ ಟಿ20 ಸರಣಿ ಮಾರ್ಚ್‌ 4ರಿಂದ ಆರಂಭವಾಗಲಿದೆ.

“ಫೆ. 22, 25 ಮತ್ತು 28ರಂದು ನಡೆಯುವ ಏಕದಿನ ಪಂದ್ಯಗಳು ಮುಂಬಯಿಯ ವಾಂಖೇಡೆ ಸ್ಟೇಡಿಯಂನಲ್ಲಿ ಹಾಗೂ ಮಾರ್ಚ್‌  4, 7 ಮತ್ತು 9ರಂದು ನಡೆಯುವ ಟಿ20 ಪಂದ್ಯಗಳು ಗುವಾಹಟಿಯ ಬಸ್ರಾಪುರ ಕ್ರಿಕೆಟ್‌ ಸ್ಟೇಡಿಯಂನಲ್ಲಿ ನಡೆಯಲಿವೆ’ ಎಂದು ಬಿಸಿಸಿಐನ ಕಾರ್ಯದರ್ಶಿ ಅಮಿತಾಬ್‌ ಚೌಧರಿ ತಿಳಿಸಿದ್ದಾರೆ.