England – Australia; ಆ್ಯಶಸ್‌ ಸರಣಿ ಓವಲ್‌: ಸಮಬಲ ಹೋರಾಟ

ಲಂಡನ್‌: ಆ್ಯಶಸ್‌ ಸರಣಿಯ ಅಂತಿಮ ಟೆಸ್ಟ್‌ ಪಂದ್ಯದಲ್ಲಿ ಸಮಬಲದ ಹೋರಾಟ ಜಾರಿಯಲ್ಲಿದೆ.

ಇಂಗ್ಲೆಂಡ್‌ನ‌ 283 ರನ್ನುಗಳ ಮೊದಲ ಇನ್ನಿಂಗ್ಸ್‌ಗೆ ಉತ್ತರವಾಗಿ ಆಸೀಸ್‌ 8 ವಿಕೆಟಿಗೆ 273 ರನ್‌ ಗಳಿಸಿ ದ್ವಿತೀಯ ದಿನದ ಅಂತಿಮ ಅವಧಿಯ ಆಟ ಮುಂದುವರಿಸುತ್ತಿದೆ.

ಇಂಗ್ಲೆಂಡ್‌ ಸಾಂ ಕ ಬೌಲಿಂಗ್‌ ಆಕ್ರಮಣದ ಮೂಲಕ ಕಾಂಗರೂಗಳ ಮೇಲೆರಗಿತು. ಸ್ಟುವರ್ಟ್‌ ಬ್ರಾಡ್‌, ಮಾರ್ಕ್‌ ವುಡ್‌ ಮತ್ತು ಕ್ರಿಸ್‌ ವೋಕ್ಸ್‌ ತಲಾ 2 ವಿಕೆಟ್‌ ಉರುಳಿಸಿದ್ದಾರೆ. ಈ ಸರಣಿಯಲ್ಲಿ ಬ್ರಾಡ್‌ ವಿಕೆಟ್‌ ಗಳಿಕೆ 20ಕ್ಕೆ ಏರಿತು.
71 ರನ್‌ ಮಾಡಿದ ಸ್ಟೀವನ್‌ ಸ್ಮಿತ್‌ ಆಸೀಸ್‌ ಸರದಿಯ ಟಾಪ್‌ ಸ್ಕೋರರ್‌.

ಆರಂಭಿಕರಾದ ಉಸ್ಮಾನ್‌ ಖ್ವಾಜಾ 47, ಡೇವಿಡ್‌ ವಾರ್ನರ್‌ 24 ರನ್‌ ಮಾಡಿದರು. ಆದರೆ ಮಾರ್ನಸ್‌ ಲಬುಶೇನ್‌ (9) ಮತ್ತು ಟ್ರ್ಯಾವಿಸ್‌ ಹೆಡ್‌ (4) ಕ್ಲಿಕ್‌ ಆಗಲಿಲ್ಲ.

ಮಿಚೆಲ್‌ ಮಾರ್ಷ್‌ (16), ಅಲೆಕ್ಸ್‌ ಕ್ಯಾರಿ (10) ಕೂಡ ಕ್ರೀಸ್‌ ಆಕ್ರಮಿಸಿಕೊಳ್ಳುವಲ್ಲಿ ವಿಫ‌ಲರಾದರು.ಪೆವಿಲಿಯನ್‌ ಸೇರಿಕೊಂಡ ಮತ್ತೋರ್ವ ಆಟಗಾರ ಮಿಚೆಲ್‌ ಸ್ಟಾರ್ಕ್‌ (7).