ಉತ್ತರ ಪ್ರದೇಶ: ಅಳಿವಿನಂಚಿನಲ್ಲಿರುವ ಡಾಲ್ಫಿನ್‌ನ ಮೃತದೇಹ ಪತ್ತೆ

ಲಕ್ನೋ : ಕಟಾರ್ನಿಯಾ ವನ್ಯಜೀವಿ ಅಭಯಾರಣ್ಯದ ಬಳಿಯ ಗಿರಿಜಾಪುರಿ ಬ್ಯಾರೇಜ್‌ನಲ್ಲಿ ಅಳಿವಿನಂಚಿನಲ್ಲಿರುವ ಡಾಲ್ಫಿನ್‌ನ ಮೃತದೇಹ ಪತ್ತೆಯಾಗಿದೆ ಎಂದು ಅರಣ್ಯ ಅಧಿಕಾರಿಗಳು ಗುರುವಾರ ತಿಳಿಸಿದ್ದಾರೆ.

ಫೋರೆನ್ಸಿಕ್ ಪರೀಕ್ಷೆಯಲ್ಲಿ 10 ವರ್ಷದ ಹೆಣ್ಣು ಡಾಲ್ಫಿನ್‌ ಉಸಿರುಗಟ್ಟಿ ಸಾವನ್ನಪ್ಪಿದೆ ಎಂದು ವಿಭಾಗೀಯ ಅರಣ್ಯಾಧಿಕಾರಿ ಆಕಾಶದೀಪ್ ವಾಧವನ್ ತಿಳಿಸಿದ್ದಾರೆ.

1.97 ಉದ್ದದ ಗಂಗಾನದಿ ಡಾಲ್ಫಿನ್‌ನ ಮೃತದೇಹವನ್ನು ಬ್ಯಾರೇಜ್‌ನ ಗೇಟ್ ಸಂಖ್ಯೆ 1 ರಿಂದ ಮಂಗಳವಾರ ಅರಣ್ಯ ರೇಂಜ್ ಅಧಿಕಾರಿ ವಿಜಯ್ ಕುಮಾರ್ ಮಿಶ್ರಾ ಮತ್ತು ಇತರ ಅರಣ್ಯ ಅಧಿಕಾರಿಗಳು ವಶಪಡಿಸಿಕೊಂಡಿದ್ದಾರೆ. ಗಂಗಾ ನದಿ ಡಾಲ್ಫಿನ್‌ಗಳನ್ನು 2010 ರಲ್ಲಿ ರಾಷ್ಟ್ರೀಯ ಜಲಚರ ಪ್ರಭೇದವೆಂದು ಘೋಷಿಸಲಾಯಿತು.