2,000ದ ನೋಟು ಸಿಗ್ತಿಲ್ಲ!

ಹೊಸದಿಲ್ಲಿ: ಇತ್ತೀಚೆಗೆ ಬ್ಯಾಂಕುಗಳು 2 ಸಾವಿರ ರೂ.ಗಳ ಬದಲಾಗಿ 500 ರೂ. ಮುಖಬೆಲೆಯ ನೋಟುಗಳನ್ನೇ ಹೆಚ್ಚು ಹೆಚ್ಚು ವಿತರಿಸಲು ಆರಂಭಿಸಿವೆ. 2 ಸಾವಿರ ರೂ. ಮುಖಬೆಲೆಯ ನೋಟುಗಳು ಕ್ರಮೇಣವಾಗಿ ಚಲಾವಣೆಯಿಂದ ಕಣ್ಮರೆಯಾಗಲಿವೆ ಎಂಬ ಸುದ್ದಿಯ ನಡುವೆಯೇ ಈ ಬೆಳವಣಿಗೆ ನಡೆಯುತ್ತಿದೆ.

ಬ್ಯಾಂಕುಗಳು ತಮ್ಮ ಎಟಿಎಂಗಳಲ್ಲಿ 2 ಸಾವಿರಕ್ಕಿಂತ ಕಡಿಮೆ ಮುಖಬೆಲೆಯ ನೋಟುಗಳನ್ನಷ್ಟೇ ತುಂಬುತ್ತಿವೆ. ಸರಕಾರಿ ಸ್ವಾಮ್ಯದ ಇಂಡಿಯನ್‌ ಬ್ಯಾಂಕ್‌ ಈಗಾಗಲೇ, ತಾವು 2,000 ದ ನೋಟುಗಳ ಬಳಕೆ ನಿಲ್ಲಿಸಿದ್ದೇವೆ ಎಂದು ಘೋಷಿಸಿದೆ. ಇತರೆ ಬ್ಯಾಂಕುಗಳು ಇದೇ ಹಾದಿಯಲ್ಲಿವೆ ಎಂದು ಮೂಲಗಳು ತಿಳಿಸಿವೆ.