ಕಂಪೆನಿಗಳ ‘ನೇಮಕ’ ಪ್ರಕ್ರಿಯೆಗಳೂ ಹೆಚ್ಚಳ

ಹೊಸದಿಲ್ಲಿ: ಕೊರೊನಾ ಸೋಂಕಿನ ತೀವ್ರತೆ ಇಳಿಮುಖವಾಗುತ್ತಿದ್ದಂತೆ ಆರ್ಥಿಕ ಚಟುವಟಿಕೆಗಳು ಹಳಿಗೆ ಬರುತ್ತಿವೆ ಎಂಬುದಕ್ಕೆ ಸಾಕ್ಷಿಯೆಂಬಂತೆ ಕಂಪೆನಿಗಳ “ನೇಮಕ’ ಪ್ರಕ್ರಿಯೆಗಳೂ ಹೆಚ್ಚಳವಾಗಿದೆ.

ಭಾರತದ 10 ಖಾಸಗಿ ಕಂಪೆನಿಗಳ ಪೈಕಿ 8 ಕಂಪೆನಿಗಳು 2021-22ರಲ್ಲಿ ಸುಮಾರು 3 ಲಕ್ಷ ಮಂದಿಗೆ ಉದ್ಯೋಗ ನೀಡಿವೆ. ರಿಟೇಲ್‌, ಐಟಿ ಸೇವೆಗಳು ಮತ್ತು ಬ್ಯಾಂಕಿಂಗ್‌ ಸೇವೆ ಗಳನ್ನು ನೀಡುವ ಕಂಪೆನಿಗಳು ಟೈರ್‌-2, ಟೈರ್‌-3 ಮತ್ತು ಟೈರ್‌-4 ನಗರಗಳಲ್ಲಿ ಭಾರೀ ಸಂಖ್ಯೆಯ ಉದ್ಯೋಗಿಗಳನ್ನು ನೇಮಿಸಿಕೊಂಡಿವೆ ಎಂದು ವರದಿ ಹೇಳಿದೆ.

ರಿಲಯನ್ಸ್‌ ಇಂಡಸ್ಟ್ರೀಸ್‌ 2021-22ರಲ್ಲಿ 1.07 ಲಕ್ಷ ಮಂದಿಗೆ, ಟಿಸಿಎಸ್‌ ಕಂಪೆನಿ 1.04 ಲಕ್ಷ ಮಂದಿ ಹಾಗೂ ಇನ್ಫೋಸಿಸ್‌ 54,396 ಮಂದಿಗೆ ಉದ್ಯೋಗ ನೀಡಿದೆ ಎಂದೂ ವಿಶ್ಲೇಷಣ ವರದಿಯೊಂದು ತಿಳಿಸಿದೆ.