ಫ್ರಾನ್ಸ್‌ ಅಧ್ಯಕ್ಷ ಸ್ಥಾನ ವಹಿಸಿಕೊಂಡ ಮ್ಯಾಕ್ರಾನ್‌

ಪ್ಯಾರಿಸ್‌: ಇತ್ತೀಚೆಗಷ್ಟೇ ಫ್ರಾನ್ಸ್‌ ಅಧ್ಯಕ್ಷರಾಗಿ ಆಯ್ಕೆಯಾಗಿರುವ 39 ವರ್ಷದ ಎಮ್ಮಾನ್ಯುಯಲ್‌ ಮ್ಯಾಕ್ರಾನ್‌ ಅವರು ರವಿವಾರ ಅಧಿಕಾರ ಸ್ವೀಕರಿಸಿದರು. ಮಧ್ಯ ಪ್ಯಾರೀಸ್‌ನಲ್ಲಿರುವ ಅಧ್ಯಕ್ಷರ ಅಧಿಕೃತ ನಿವಾಸ ಎಲಿಸಿ ಪ್ಯಾಲೇಸ್‌ನಲ್ಲಿ ಪ್ರಮಾಣ ವಚನ ಸ್ವೀಕರಿಸಿದರು. ನಿರ್ಗಮಿತ ಅಧ್ಯಕ್ಷ ಫ್ರಾನ್ಸ್ವಾ ಒಲಾಂದ್‌ ಅವರು ಮ್ಯಾಕ್ರಾನ್‌ಗೆ ಅಧಿಕಾರ ಹಸ್ತಾಂತರಿಸಿದರು. ನೂತನ ಅಧ್ಯಕ್ಷರ ಪತ್ನಿ ಹಾಗೂ ಪ್ರೌಢಶಾಲೆಯಲ್ಲಿ ಶಿಕ್ಷಕಿಯಾಗಿದ್ದ 64 ವಯಸ್ಸಿನ ಬ್ರಿಗಿಟ್‌ ಮತ್ತು ಮ್ಯಾಕ್ರಾನ್‌ ಪ್ರತ್ಯೇಕವಾಗಿ ಸಮಾರಂಭಕ್ಕೆ ಆಗಮಿಸಿದ್ದು ವಿಶೇಷ. ಕಳೆದ ವಾರವಷ್ಟೇ ಮ್ಯಾಕ್ರಾನ್‌ ಬಲಪಂಥೀಯ ನಾಯಕಿ ಮೇರಿನ್‌ ಲೀ ಪೆನ್‌ ವಿರುದ್ಧ ಜಯಗಳಿಸಿದ್ದರು. ನೂತನ ಅಧ್ಯಕ್ಷ ಮ್ಯಾಕ್ರಾನ್‌ ಅವರು ಸೋಮವಾರ ಪ್ರಧಾನಿಯನ್ನು ನೇಮಕ ಮಾಡಲಿದ್ದಾರೆ.