Advertisement
ಭಾರತ “ಎ’ ಈ ಕೂಟದ ಅಜೇಯ ತಂಡ. ಲೀಗ್‌ ಹಂತದಲ್ಲಿ ಪಾಕಿಸ್ತಾನವನ್ನು 8 ವಿಕೆಟ್‌ಗಳಿಂದ ಕೆಡವಿದ ಜೋಶ್‌ನಲ್ಲಿದೆ. ಅಲ್ಲದೇ ಸೆಮಿಫೈನಲ್‌ನಲ್ಲಿ ಬಾಂಗ್ಲಾದೇಶ ವಿರುದ್ಧ ಬರೀ 211 ರನ್‌ ಗಳಿಸಿಯೂ ಇದನ್ನು ಉಳಿಸಿಕೊಂಡ ತಾಕತ್ತು ಕೂಡ ಭಾರತದ್ದಾಗಿದೆ. ಪಾಕಿಸ್ತಾನ ಈ ಕೂಟದಲ್ಲಿ ಶರಣಾದದ್ದು ಭಾರತಕ್ಕೆ ಮಾತ್ರ. ಹೀಗಾಗಿ ಸೇಡು ತೀರಿಕೊಳ್ಳಲು ಹವಣಿಸುವುದರಲ್ಲಿ ಅನುಮಾನವಿಲ್ಲ.
Related Articles
ಬಾಂಗ್ಲಾ ವಿರುದ್ಧದ ಉಪಾಂತ್ಯದಲ್ಲಿ ಭಾರತದ ಬ್ಯಾಟಿಂಗ್‌ ಕ್ಲಿಕ್‌ ಆಗಿರಲಿಲ್ಲ. 211ಕ್ಕೆ ಆಲೌಟಾದಾಗ, ಬಾಂಗ್ಲಾ ಒಂದೇ ವಿಕೆಟಿಗೆ 94 ರನ್‌ ಗಳಿಸಿ ಮುನ್ನುಗ್ಗುತ್ತಿದ್ದಾಗ ಭಾರತಕ್ಕೆ ಸೋಲು ಕಟ್ಟಿಟ್ಟ ಬುತ್ತಿ ಎಂದೇ ಭಾವಿಸಲಾಗಿತ್ತು. ಆದರೆ ಸ್ಪಿನ್ನರ್‌ಗಳಾದ ನಿಶಾಂತ್‌ ಸಿಂಧು ಮತ್ತು ಮಾನವ್‌ ಸುಥಾರ್‌ ನೀಡಿದ ತಿರುಗೇಟಿಗೆ ಬಾಂಗ್ಲಾ ಬ್ಯಾಟಿಂಗ್‌ ನೆಲಕಚ್ಚಿತು. 66 ರನ್‌ ಅಂತರದಲ್ಲಿ ಬಾಂಗ್ಲಾದ 9 ವಿಕೆಟ್‌ ಉಡಾಯಿಸಿದ್ದು ಭಾರತದ ಬೌಲಿಂಗ್‌ ಪಾರಮ್ಯಕ್ಕೆ ಸಾಕ್ಷಿ. ಫೈನಲ್‌ನಲ್ಲಿ ಸ್ಪಿನ್ನರ್‌ಗಳು ಭಾರತದ ಪಾಲಿಗೆ ಶ್ರೀರಕ್ಷೆ ಆಗಬೇಕಿದೆ. ಕೊಲಂಬೊ ಟ್ರ್ಯಾಕ್‌ ನಿಧಾನ ಗತಿಯಿಂದ ಕೂಡಿರುವುದೇ ಇದಕ್ಕೆ ಕಾರಣ.
Advertisement
ಭಾರತದ ಬ್ಯಾಟಿಂಗ್‌ ಲೈನ್‌ಅಪ್‌ ಕೂಡ ಬಲಿಷ್ಠ ಎಂಬುದರಲ್ಲಿ ಎರಡು ಮಾತಿಲ್ಲ. ಸಾಯಿ ಸುದರ್ಶನ್‌, ಅಭಿಷೇಕ್‌ ಶರ್ಮ, ನಿಕಿನ್‌ ಜೋಸ್‌, ಯಶ್‌ ಧುಲ್‌, ಧ್ರುವ ಜುರೆಲ್‌, ರಿಯಾನ್‌ ಪರಾಗ್‌, ಆಲ್‌ರೌಂಡರ್‌ ನಿಶಾಂತ್‌ ಸಿಂಧು… ಹೀಗೆ ಕೊನೆಯ ತನಕವೂ ಬ್ಯಾಟ್‌ ಬೀಸಬಲ್ಲವರಿದ್ದಾರೆ. ಮೊದಲು ಬ್ಯಾಟಿಂಗ್‌ ನಡೆಸುವ ಅವಕಾಶ ಸಿಕ್ಕಿದರೆ ಕನಿಷ್ಠ 250 ರನ್‌ ಪೇರಿಸುವುದು ಅಗತ್ಯ.
ಪ್ರತಿಭಾನ್ವಿರ ಪಾಕ್ ಪಡೆಪಾಕಿಸ್ತಾನ ಕೂಡ ಪ್ರತಿಭಾನ್ವಿತರ ತಂಡ. ಆಲ್‌ರೌಂಡರ್‌ ಮೊಹಮ್ಮದ್‌ ವಾಸಿಮ್‌, ನಾಯಕ ಮೊಹಮ್ಮದ್‌ ಹ್ಯಾರಿಸ್‌, ಓಪನರ್‌ ಸಾಹಿಬ್‌ಜಾದ್‌ ಫ‌ರ್ಹಾನ್‌, ಪೇಸ್‌ ಬೌಲರ್‌ ಅರ್ಷದ್‌ ಇಕ್ಬಾಲ್‌ ಅವರೆಲ್ಲ ನಾನಾ ಹಂತದ ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಆಡಿದ ಅನುಭವ ಹೊಂದಿದ್ದಾರೆ. ಅಮಾದ್‌ ಬಟ್‌, ಒಮೈರ್‌ ಯೂಸುಫ್ ಅವರೆಲ್ಲ ಪಾಕಿಸ್ತಾನ್‌ ಸೂರ್‌ ಲೀಗ್‌ನಲ್ಲಿ ಮಿಂಚಿದ್ದಾರೆ.